గూగుల్ నుంచి 5జీ హ్యాండ్ సెట్.. ఫీచర్స్ లీకైయ్యాయ్!

Google Pixel 5

గూగుల్ నుంచి 5జీ హ్యాండ్ సెట్లను మార్కెట్లోకి విడుదల చేసేందుకు రంగం సిద్ధమైంది. అయితే అనుకోకుండా దీనికి సంబంధించిన పూర్తి డీటేల్స్ లీక్ అయ్యాయి. తద్వారా ఈ ఫోన్ల కోసం వేయి కళ్లతో ఎదురుచూస్తున్న కస్టమర్లలో హైప్‌ను మరింత పెంచింది. సెప్టెంబర్ నెలాఖరున ఓ ఈవెంట్లో పిక్సల్ 5, పిక్సల్ 4ఏ 5జీ స్మార్ట్ ఫోన్‌ను విడుదల చేస్తామని గతంలో ప్రకటించింది.

పిక్సల్ 5, పిక్సల్ 4ఏ 5జీ స్మార్ట్ ఫోన్లకు సంబంధించిన డిజైన్, ఫీచర్స్‌తో పాటు దాని ధరను పొరపాటున జపాన్‌లోని అధికారిక ట్విట్టర్ ఖాతాలో గూగుల్ వెల్లడించింది. గూగుల్ పిక్సెల్ 5, పిక్సెల్ 4a 5G స్మార్ట్ఫోన్లపై స్మార్ట్‌ఫోన్ మార్కెట్ వర్గాలు ఎప్పటి నుంచో చర్చించుకుంటున్నాయి. సరికొత్త ఫీచర్లతో వస్తున్న మోడళ్లపై స్మార్ట్ఫోన్ యూజర్లు చాలాకాలంగా ఆసక్తిగా ఎదురుచూస్తున్నారు.

ఈ నేపథ్యంలో జపాన్లో గూగుల్ అధికారిక ట్విట్టర్ హ్యాండిల్లో పిక్సెల్ 5 మోడల్స్ డీజైన్, దాని ఫీచర్లు, దాని ధరను అనుకోకుండా వెల్లడించారు. పిక్సెల్ 5 కోసం రూపొందించిన వీడియో టీజర్ను గూగుల్ ట్విట్టర్ హ్యాండిల్లో పోస్ట్ చేశారు. దీని ధర సుమారు రూ.52,260.