రిలయన్స్ జియో- రూ.601తో అప్ గ్రేడ్ వోచర్ వచ్చేసింది..
రిలయన్స్ జియో నుంచి సూపర్ ప్లాన్ వస్తోంది. అపరిమిత 5జీ డేటా సేవలకు గానూ రూ.601తో అప్ గ్రేడ్ వోచర్‌ను తీసుకువచ్చింది. 4జీ వినియోగదారులు సైతం ఈ వోచర్ సాయంతో 5జీ సేవలను పొందవచ్చు.
జియో 5జీ సేవలు తీసుకొచ్చినప్పుడు 5జీ స్మార్ట్ ఫోన్, నెట్‌వర్క్ ఉన్న వారందరికీ వెల్‌కమ్ ఆఫర్ కింద ఉచిత 5జీ డేటాను అందించింది. రూ.239 కంటే ఎక్కువ రీచార్జి చేసిన వారందరికీ ఈ సదుపాయాన్ని కల్పించింది.
అయితే, తక్కువ డేటా ప్లాన్ తీసుకునే వారికీ 5జీ సేవలు అందించేందుకు ఆ మధ్య సంస్థ రూ.51, రూ.101, 151తో బూస్టర్ ప్లాన్‌ను తీసుకొచ్చింది.
తాజాగా ఏడాది పొడవునా అపరిమిత 5జీ డేటాను అందించేందుకు రూ.601 వోచర్‌ను జియో తీసుకువచ్చింది. దీన్ని జియో యాప్‌లో కొనుగోలు చేసి యాప్‌లోనే యాక్టివేట్ చేసుకోవచ్చు.
