చికెన్ బాల్స్ తయారీ విధానం..?

కావలసిన పదార్థాలు:

బోన్‌లెస్ చికెన్ - 200 గ్రా

అల్లం ముక్కలు - 1 స్పూన్

సన్నగా తరిగిన ఉల్లిపాయలు - పావుకప్పు

మెంతి ఆకు - 1 స్పూన్

తరిగిన పచ్చిమిర్చి - 1 స్పూన్

కొత్తిమీర - కొద్దిగా

తరిగిన వెల్లుల్లి - 1 స్పూన్

లవంగాలు - 2

కారం - అరస్పూన్

గరమ్ మసాలా - అరస్పూన్

ఉప్పు - తగినంత.

తయారీ విధానం:

ముందుగా చికెన్‌ను శుభ్రంగా కడిగి నీరు లేకుండా మిక్సీలో వేసుకుని కైమాలా గ్రైండ్ చేసుకోవాలి. దాన్లో పైన చెప్పిన పదార్థాలన్నీ వేసుకుని బాగా కలుపుకోవాలి. ఈ మిశ్రమాన్ని చిన్న చిన్న ఉండల్లా తయారుచేసి ఆవిరిపైన బాగా ఉడికించాలి. ఈ చికెన్ బాల్స్‌‌‌‌‌‌‌‌‌‌‌‌‌ని వేడివేడిగా సాస్‌తో తింటే చాలా రుచిగా ఉంటాయి.