తెలంగాణ అసెంబ్లీ ఎన్నికలు.. నామినేషన్ల పరిశీలన

తెలంగాణ అసెంబ్లీ ఎన్నికలకు సంబంధించిన ప్రక్రియ కొనసాగుతోంది. నవంబర్ 30న జరగనున్న అసెంబ్లీ ఎన్నికలకు నామినేషన్ల దాఖలుకు ఈసీ నవంబర్ 3న గెజిట్ నోటిఫికేషన్ విడుదల చేసింది. ఈ నేపథ్యంలో అభ్యర్థులు దాఖలు చేసిన నామినేషన్లను సోమవారం ఎన్నికల అధికారులు పరిశీలించనున్నారు. 

పార్టీల తరపున వేసిన దరఖాస్తు తిరస్కరణకు గురైతే స్వతంత్ర అభ్యర్థిగా బరిలో దిగేందుకు ముందస్తుగా నామినేషన్ వేశారు. దీంతో ఎన్ని దరఖాస్తులు తిరస్కరణకు గురవుతాయి అనేది తేలిపోనుంది. ఇక ఈ నెల 15వ తేదీ వరకూ నామినేషన్ల ఉపసంహరణ చేసుకోవచ్చు. తెలంగాణలో మొత్తం 119 నియోజకవర్గాలకు 2,327 మంది అభ్యర్థులు నామినేషన్లు దాఖలు చేశారు.