గురువారం, 25 జులై 2024
  1. వినోదం
  2. తెలుగు సినిమా
  3. గుసగుసలు
Written By ఠాగూర్
Last Updated : శనివారం, 25 సెప్టెంబరు 2021 (22:29 IST)

టాలీవుడ్ 'చందమామ' గర్భవతినా?

టాలీవుడ్ చందమామగా గుర్తింపు పొందిన కాజల్ అగర్వాల్ గర్భందాల్చినట్టు ఫిల్మ్ నగర్లో వార్తలు చక్కర్లు కొడుతున్నాయి. కాజల్ తల్లికాబోతుందనే చర్చ ఇండస్ట్రీలో జోరుగా సాగుతోంది. దీనికితోడు ఆమె ఈ మధ్యకాలంలో కొత్త చిత్రాలను అంగీకరించడాన్ని తగ్గించారు. గర్భందాల్చడం వల్లే ఆమె సినిమాలు తగ్గించారనే ప్రచారం సాగుతోంది. 
 
'లక్ష్మీకళ్యాణం' మూవీతో ఇండస్ట్రీలో అడుగుపెట్టిన కాజల్ అగర్వాల్‌కు 'చందమామ', 'మగధీర' వంటి చిత్రాల ద్వారా మంచి గుర్తింపు వచ్చింది. ఆ తర్వాత వెనకకు చూసుకోవాల్సిన పని లేకుండా అన్ని ఇండస్ట్రీలలో సినిమాలు చేస్తూ వస్తుంది. 
 
యంగ్ హీరోలతో పాటు సీనియర్ హీరోల పక్కన జోడి కట్టిన ఈ భామ.. గత ఏడాది ముంబైకు చెందిన యువపారిశ్రామికవేత్త గౌతమ్ కిచ్లూను పెళ్లి చేసుకుంది. పెళ్లి తర్వాత కూడా సినిమాలు చేస్తూ వచ్చింది.
 
ప్రస్తుతం మెగాస్టార్ చిరంజీవితో ‘ఆచార్య’ చిత్రాన్ని పూర్తి చేసిన కాజల్, ప్రవీణ్ సత్తారు దర్శకత్వంలో రూపొందుతోన్న ‘ది ఘోస్ట్’ అనే చిత్రంలో కింగ్ నాగార్జున సరసన నటించేందుకు సమ్మతించింది. ఈ చిత్ర షూటింగ్ కూడా ఈ మధ్యే మొదలైంది. ఇందులో ఆమె రా ఏజెంట్‌గా నటిస్తున్నారు. 
 
అయితే ఇప్పుడు ఈ మూవీ నుంచి ఈమె తప్పుకున్నట్లు తెలుస్తుంది. దీనికి కారణం ఆమె తల్లి కాబోతుండడమే అని అంటున్నారు. ఆమె స్థానంలో జాక్వెలిన్ ఫెర్నాండెజ్ లేదా ఇలియానా లేదా త్రిషని తీసుకునే అవకాశాలు ఉన్నట్లుగా రూమర్స్ వినపడుతున్నాయి. మరి నిజంగా కాజల్ తల్లి కాబోతుందా లేదా అనేది త్వరలోనే అధికారికంగా తెలియనుంది.