పన్నీర్‌తో దోశెలే కాదు.. పులావ్స్ కూడా...

పన్నీర్ అంటే పిల్లలు చాలా ఇష్టాంగా తింటారు. పన్నీర్‌లోని మినరల్స్ పిల్లల ఎదుగుదలకు చాలా ఉపయోగపడుతుంది. జ్ఞాపకశక్తిని పెంచుతుంది. మరి ఇటువంటి పన్నీర్‌తో పులావ్ ఎలా చేయాలో చూద్దాం...

కావాలసిన పదార్థాలు:

బాస్మతీ రైస్ - 1 కప్పు 

పన్నీర్ ముక్కలు - 1 కప్పు 

బఠాణీలు - అరకప్పు 

క్యారెట్ ముక్కలు - అరకప్పు 

కార్న్ - అరకప్పు 

బటర్ - 2 స్పూన్స్ 

జీలకర్ర -  1 స్పూన్ 

కరివేపాకు - రెండు రెమ్మలు 

అల్లం, వెల్లుల్లి పేస్ట్ - 1 స్పూన్ 

పచ్చిమిర్చి - 2 

గరం మసాలా - అరస్పూన్ 

కొత్తిమీర - చిన్న కట్ట 

ఉప్పు - సరిపడా 

నూనె - తగినంత.

తయారీ  విధానం: 

ముందుగా బియ్యం కడిగి 15 నిమిషాల పాటు నానబెట్టుకోవాలి. ఇప్పుడు బాణలిలో నూనెను పోసి వేడయ్యాక జీలకర్ర, కరివేపాకు, అల్లం, వెల్లుల్లి పేస్ట్, పచ్చిమిర్చి వేసి రెండు నిమిషాల పాటు కలుపాలి. ఆ తరువాత ఈ మిశ్రమంలో బఠాణీలు, క్యారెట్ ముక్కలు, కార్న్, పన్నీర్, ఉప్పు వేసి నిమిషం పాటు కలుపాలి. ఆ తర్వాత బియ్యం వేసి నీళ్లు పోసి పావుగంట పాటు ఉడకనివ్వాలి. అన్నం మొత్తం ఉడికాక.. కొత్తిమీర, గరం మసాలా వేసి కలిపి మూత పెట్టేయాలి. రెండు నిమిషాలు ఉంచి దించేయాలి. అంతే... వేడివేడి పన్నీరీ పులావ్ రెడీ.