గురువారం, 25 జులై 2024
  1. వార్తలు
  2. తెలుగు వార్తలు
  3. తెలుగు వార్తలు
Written By ఠాగూర్
Last Updated : ఆదివారం, 14 మార్చి 2021 (17:13 IST)

ఎన్నికలంటే వరుస వివాహాలు కాదు : పవన్‌కు ఎమ్మెల్యే కౌంటర్

ఎన్నికలంటే వరుస వివాహాలు కాదని జనసేన పార్టీ అధినేత పవన్ కళ్యాణ్‌కు వైకాపా ఎమ్మెల్యే గ్రంథి శ్రీనివాస్ కౌంటర్ ఇచ్చారు. వ్యక్తిగత జీవితంలో వరుసగా విడాకులు తీసుకుంటూ ఎన్ని వివాహాలు అయినా చేసుకోవచ్చని, కానీ రాజకీయాల్లో అలా కుదరదన్నారు.
 
ఏపీలో జరిగిన మున్సిపల్ ఎన్నికల్లో వైకాపా విజయభేరీ మోగిస్తున్న విషయం తెల్సిందే. ఈ ఎన్నికల ఫలితాలపై భీమవరం ఎమ్మెల్యే గ్రంథి శ్రీనివాస్ స్పందించారు. రాజకీయాలకు సిద్ధాంతాలు, విలువలే ప్రాతిపదిక అని చెప్పుకొచ్చారు.
 
నిన్న మొన్నటి వరకు కమ్యూనిస్టులను మోసం చేసిన పవన్... ఆపై టీడీపీతో కలిసినా, ఆ పార్టీ నుంచి కూడా విడిపోయారని వెల్లడించారు. ఇప్పుడు బీజేపీతో కలిసిన పవన్ కిందిస్థాయిలో మాత్రం టీడీపీతో కలిసి పనిచేస్తున్నారని ఆరోపించారు. 
 
పవన్ కల్యాణ్, చంద్రబాబుల నీచ రాజకీయాలను ప్రజలు గుర్తించారు కాబట్టే స్థానిక సంస్థల ఎన్నికల్లో గట్టిగా బుద్ధి చెప్పారని విమర్శించారు. కాగా, 2019 అసెంబ్లీ ఎన్నికల్లో పశ్చిమ గోదావరి జిల్లా భీమవరం నుంచి కూడా పోటీ  పవన్ కల్యాణ్ పోటీ చేయగా, ఆయనపై గ్రంథి శ్రీనివాస్ విజయంసాధించిన విషయం తెల్సిందే.