ప్రియుడితో వీడియో కాల్ మాట్లాడుతూ.... ఉరేసుకుంది..
కృష్ణా జిల్లా నూజివీడులోని ట్రిపుల్ ఐటీలో ఓ విషాదం జరిగింది. ఓ విద్యార్థిని ఆత్మహత్య చేసుకుంది. తన ప్రియుడితో వీడియో కాల్ మాట్లాడుతూనే ఫ్యానుకు ఉరేసుకుని బలవన్మరణానికి పాల్పడింది.
తాజాగా వెలుగులోకి వచ్చిన ఈ వివరాలను పరిశీలిస్తే, తూర్పు గోదావరి జిల్లా గోకవరానికి చెందిన ఆర్.భాగ్యలక్ష్మి అనే విద్యార్థిని నూజివీడులోని ట్రిపుల్ ఐటీలో కంప్యూటర్ సైన్స్ తృతీయ సంవత్సరం చదువుతోంది. తన ప్రియుడుతో వీడియో కాలింగ్ చేస్తూ హాస్టల్ రూములో ఉరి వేసుకుని ఆత్మహత్యకు పాల్పడింది.
ఈ విషయాన్ని సహచర విద్యార్థినులు హాస్టల్ వార్డెన్కు చెప్పారు. ఆ తర్వాత పోలీసులకు ఇచ్చిన సమాచారం మేరకు.. సంఘటనా స్థలానికి చేరుకుని విచారణ చేపట్టారు. ప్రేమ వ్యవహారమే విద్యార్ధిని ఆత్మహత్యకు కారణమని కాలేజీ సిబ్బంది చెబుతున్నారు. అయితే ఆత్మహత్యకు గల సరైన కారణాలు తెలియాల్సి ఉంది.
