శుక్రవారం, 21 జూన్ 2024
  1. వార్తలు
  2. తెలుగు వార్తలు
  3. తెలుగు వార్తలు
Written By జెఎస్కే
Last Modified: విజ‌య‌వాడ‌ , సోమవారం, 11 అక్టోబరు 2021 (11:57 IST)

తెలుగువాడిని కాదంటూ... ప్ర‌కాష్ రాజ్ మా సభ్యత్వానికి రాజీనామా

నేను తెలుగు వాడిని కాదు అంటూ... క‌న్నీళ్ళ‌తో న‌టుడు ప్ర‌కాష్ రాజ్ మా స‌భ్య‌త్వానికి రాజీనామా చేశారు. ఇది బాధతో తీసుకున్న నిర్ణయం కాదు, తెలుగు వారు మాత్రమే మా అధ్యక్షుడిగా ఉండాలని అన్నారు, అలానే చేశారు. ప్రాంతీయత ఆధారంగా మా ఎన్నిక జ‌రిగింద‌ని ప్ర‌కాష్ రాజ్ ఆరోపించారు. 
 
నేను తెలుగు వాడిని కాదు, నా తల్లిదండ్రులు తెలుగు వారు కాదు. అయినా తెలుగు పరిశ్రమలో 25 ఏళ్ల ప్రయాణం చేశా... అలానే పరిశ్రమలో కొనసాగుతా... నటిస్తూ ఉంటా...నేనొక అతిథిగా వచ్చాను, అతిధిగానే కొనసాగుతూ ఉంటా. ఇక మా సంస్థ‌కు ఇచ్చిన హామీలను నెరవేర్చాలని విష్ణుకి హితవు చెపుతున్నా అని ప్ర‌కాష్ రాజ్ పేర్కొన్నారు. గెలిచిన ప్రతి అభ్యర్థికి శుభాకాంక్షలు తెలిపిన ప్రకాష్ రాజ్, ఇది తాను తొందరపాటుతో తీసుకున్న నిర్ణయం కాద‌న్నారు. ఆలోచించి తీసుకున్న నిర్ణయం అని చెప్పుకొచ్చారు.
 
రాజకీయంగా కూడా త‌న‌ను లాగి ట్వీట్ తో విశ్లేషణ చేసినందుకు బీజేపీ తెలంగాణా అధ్యక్షుడు బండి సంజాయ్ కి ధన్యవాదాలు చెపుతున్నా అని ప్ర‌కాష్ రాజ్ పేర్కొన్నారు. కంట తడి పెట్టుకుంటూ మా సభ్యత్వానికి రాజీనామా చేశారు ప్రకాష్ రాజ్.