మందు బాబులకు బ్యాడ్ న్యూస్.. ఏంటది?
సైబరాబాద్ కమిషనరేట్ పరిధిలో రేపటి నుండి మూడు రోజుల పాటు మందు లభించదు. రాబోయే హోలీ పండుగను పురస్కరించుకుని ఈ నెల 20వ తేదీ ఉదయం 6 గంటల నుంచి 22వ తేదీ సాయింత్రం 6 గంటల వరకు మద్యం అమ్మకాలపై నిషేధం విధిస్తున్నట్లు పోలీసులు తెలిపారు.
మద్యం సేవించేవారు పండగ పేరుతో మరో పెగ్గు ఎక్కువ వేసి నానా రచ్చ చేస్తారనే ఉద్దేశంతో నగర పోలీసులు ముందస్తు చర్యగా మద్యం షాపులు బంద్ చేయిస్తున్నారు. సైబరాబాద్ కమిషనరేట్ పరిధిలోని అన్ని వైన్ షాపులు, కల్లు కాంపౌండ్‌లు, బార్ అండ్ రెస్టారెంట్‌లు మూడు రోజుల పాటు మూసివేయాలని ఇప్పటికే ఆదేశాలు జారీ చేసారు.
అంతేకాకుండా ఇతరులకు ఇబ్బంది కలిగించే విధంగా గుంపులుగా చేరి రంగులు పూసుకోవడం లేదా వాహనాలపై వెళ్తున్న వాళ్లపై రంగులు చల్లడం వంటి అకృత్యాలకు పాల్పడవద్దని కమీషనరేట్ సూచించింది.
