ఈ వారం ప్రారంభమవుతున్న 11 ఎడిషన్ దుబాయ్ ఫుడ్ ఫెస్టివల్
ఫుడ్ ప్రేమికులు ఎంతో ఆసక్తిగా ఎదురుచూస్తున్న 11వ దుబాయ్ ఫుడ్ ఫెస్టివల్ (DFF) ఈ వారం లోనే ప్రారంభం కానుంది. ఏప్రిల్ 19 శుక్రవారం నుండి మే 12 ఆదివారం వరకు జరుగనున్న DFF 2024 దుబాయ్ నగరవ్యాప్తంగా వినూత్నమైన కలినరీ అనుభవాలు, ప్రత్యేక మెనులు, ఈవెంట్‌లతో ఆకట్టుకోనుంది. ఈ ఫెస్టివల్ జరిగే 23 రోజులలో, 200+ కు దేశాల నుండి తీసుకోబడిన రుచికరమైన వంటకాలను అందుబాటులో ఉంచనున్నారు. ఫైన్ డైనింగ్ నుండి హిడెన్ జెమ్‌ల వరకు, ఎమిరాటీ కాన్సెప్ట్‌ల నుండి అంతర్జాతీయ మిచ్లిన్ -స్టార్ చేయబడిన రెస్టారెంట్‌ల వరకు DFF 2024లో ప్రతిఒక్కరికీ ఏదో ఒకటి అందుబాటులో ఉంది.
దుబాయ్ యొక్క ఫెస్టివల్స్ అండ్ రిటైల్ ఎస్టాబ్లిష్‌మెంట్ (DFRE) ద్వారా నిర్వహించబడుతున్న ఈ సంవత్సరం DFFలో దుబాయ్ రెస్టారెంట్ వీక్, ఫుడీ అనుభవాలు, ఇ&బీచ్ క్యాంటీన్ మరియు 10 దిర్హామ్ డిష్‌లతో పాటు సరికొత్త చెఫ్ మెనూ మరియు గాల్ట్&మిల్లౌ క్యులినరీ ఇన్నోవేటర్స్ ఈవెంట్ భాగంగా ఉంటాయి. దుబాయ్ ఫెస్టివల్స్ అండ్ రిటైల్ ఎస్టాబ్లిష్‌మెంట్ (DFRE) యొక్క సీఈఓ అహ్మద్ అల్ ఖాజా మాట్లాడుతూ "దుబాయ్ ఫుడ్ ఫెస్టివల్ యొక్క 11వ ఎడిషన్ అత్యుత్తమ ఆఫర్లను సరసమైన ధరలలో ప్రదర్శిస్తుంది, అదే సమయంలో నగరం యొక్క అత్యుత్తమ పాకశాస్త్ర ప్రతిభను గుర్తిస్తుంది. మేము గ్లోబల్ గాస్ట్రోనమిక్ డెస్టినేషన్‌గా దుబాయ్ ను నిలిపేందుకు ప్రయత్నిస్తున్నాము" అని అన్నారు.
