జూలై 2022లో హైదరాబాద్‌లో 2,100 కోట్ల విలువైన నివాస ఆస్తుల రిజిస్ట్రేషన్లు

తాజా అంచనాలలో, నైట్ ఫ్రాంక్ ఇండియా జూలై 2022లో 4,313 యూనిట్ల రెసిడెన్షియల్ ప్రాపర్టీల రిజిస్ట్రేషన్లను నమోదు చేసింది, ఇది నెలవారీగా చూస్తే 20% తక్కువగా ఉంది. రూ. 50 లక్షలు మరియు దానికంటే ఎక్కువ విలువ గల ఆస్తుల మీద గత నెలలో తక్కువ లావాదేవీలు జరగడం ఈ మందగమనానికి కారణమయ్యింది. పెరుగుతున్న వడ్డీ రేట్లపై అనిశ్చితితో పాటు 'ఆషాడ మాసం'లో ప్రధాన పెట్టుబడి నిర్ణయాల పట్ల వుండే ప్రతికూల భావాలు ఈ తగ్గుదలకు కారణమయ్యాయి. జూలై 2022లో లావాదేవీలు జరిపిన ఆస్తుల మొత్తం విలువ రూ. 2,101 కోట్లుగా ఉంది, అలాగే 26% MoM క్షీణతను నమోదు చేసింది. సంవత్సరం ప్రారంభం నుండి, మొత్తం రూ. 20,023 కోట్ల విలువ గల 40,897 రెసిడెన్షియల్ యూనిట్ల అమ్మకాలకు నగరం సాక్ష్యంగా నిలిచింది. హైదరాబాద్ రెసిడెన్షియల్ మార్కెట్‌లో హైదరాబాద్, మేడ్చల్-మల్కాజిగిరి, రంగారెడ్డి మరియు సంగారెడ్డి అనే నాలుగు జిల్లాలు ఉన్నాయి.

జూలై 2022లో నమోదు చేయబడిన అన్ని రెసిడెన్షియల్ అమ్మకాలలో,రూ. 25- 50 లక్షలు ధరల పరిధిలోని గృహాలు 56% గా కొనసాగాయి, జూలై 2021లో 34% వాటా నుండి ఇది పెరిగింది. రూ. 25 లక్షలు కంటే తక్కువ టిక్కెట్ సైజులో డిమాండ్ ఉన్నప్పటికీ, ఏడాది క్రితం 35%తో పోలిస్తే 18% వాటాతో బలహీనపడింది. రూ. 50 లక్షలు మరియు అంతకంటే ఎక్కువ టిక్కెట్ సైజు కలిగిన ఆస్తుల విక్రయాల రిజిస్ట్రేషన్ల సంచిత వాటా జూలై 2021లో 31% నుండి జూలై 2022లో 26%కి తగ్గింది.

ఈ కాలంలో నమోదైన మొత్తం అమ్మకాలలో 1,000 - 2,000 చదరపు అడుగుల పరిమాణంలో ఉన్న గృహాలు 72% ఉన్నాయి. మహమ్మారి కారణంగా తలెత్తిన పెద్ద నివాస గృహాలకు అప్‌గ్రేడ్ చేయడానికి మరియు మారాలని చూస్తున్న గృహ కొనుగోలుదారుల ధోరణి జూలై 2022లో కూడా బలంగా కొనసాగింది. జిల్లా స్థాయి అధ్యయనం ప్రకారం 41% ఇళ్ల విక్రయాలు మేడ్చల్-మల్కాజిగిరి జిల్లాలో నమోదు కాగా, రంగారెడ్డి జిల్లాలో 38% నమోదు అయ్యాయి. జూలై 2022లో మొత్తం రిజిస్ట్రేషన్లలో హైదరాబాద్ జిల్లా వాటా 16%గా నమోదైంది. రిజిస్ట్రేషన్ డేటా ప్రకారం, లావాదేవీలు జరిగిన రెసిడెన్షియల్ ప్రాపర్టీల సగటు ధరలు జూలై 2022లో సంవత్సరానికి 9% పెరిగాయి. జూలై 2022లో సంగారెడ్డి జిల్లాలో అత్యధికంగా 27% వృద్ది కనిపించింది, ఈ నిర్దిష్ట వ్యవధిలో ఈ ప్రదేశంలో అధిక విలువ కలిగిన గృహాలు విక్రయించబడ్డాయి.

శిశిర్ బైజల్, ఛైర్మన్ మరియు మేనేజింగ్ డైరెక్టర్, నైట్ ఫ్రాంక్ ఇండియా ఇలా వ్యాఖ్యానించారు, “హైదరాబాద్ రెసిడెన్షియల్ మార్కెట్, మహమ్మారి సమయంలో ఇది చాలా వరకు స్థితిస్థాపకంగా ఉంది, ధరల పెరుగుదల నుండి గృహ రుణ రేటును పైకి సవరించడం వరకు అనేక కారణాల వల్ల జూలై 2022 నెలలో కార్యకలాపాలలో కొంత క్షీణతను నమోదు చేసింది. రిజిస్ట్రేషన్ల ద్వారా ఈ నెలలో రెసిడెన్షియల్ రిజిస్ట్రేషన్లు మరియు రాష్ట్ర ఆదాయం క్షీణించింది. ముందుకు కొనసాగుతున్నప్పుడు, పెరుగుతున్న గృహ రుణ రేట్లు మరియు మార్కెట్‌లో ధరల పెరుగుదల కారణంగా కార్యకలాపాల్లో కొంత స్వల్పకాలిక నియంత్రణ ఉంటుందని మేము ఆశిస్తున్నాము, అయినప్పటికీ, మార్కెట్‌లో గుప్త డిమాండ్ యొక్క బలం, మొత్తం ఆర్థిక వృద్ధి మరియు ఆదాయ స్థాయిల పెరుగుదల కారణంగా మార్కెట్‌ను మధ్య నుండి దీర్ఘకాలిక ప్రాతిపదికన తేలికగా ఉంచుతుందని భావిస్తున్నారు.’’