ఆస్ట్రాజెనెకాకు బ్రేక్.. సైడ్ ఎఫెక్ట్స్ వల్లే పూర్తిగా ఆపేశారు..
కరోనా వ్యాక్సిన్ ప్రక్రియ వేగవంతంగా సాగుతోంది. ఈ నేపథ్యంలో కోవ్యాక్సిన్, కోవిషీల్డ్ వ్యాక్సిన్లను ఆస్ట్రాజెనెకా-ఆక్స్‌ఫర్డ్ కరోనా వ్యాక్సిన్ వినియోగాన్ని యూరోపియన్ దేశం డెన్మార్క్ పూర్తిగా నిలిపేసింది. దీంతో ప్రపంచంలో ఈ నిర్ణయం తీసుకున్న తొలి దేశంగా డెన్మార్క్ నిలిచింది. ఈ వ్యాక్సిన్ వల్ల చాలా అరుదైన సైడ్ఎఫెక్ట్స్ ఉన్నట్లు ఆ దేశం చెప్పింది. ఆస్ట్రాజెనెకా వ్యాక్సిన్ లేకుండానే డెన్మార్క్ వ్యాక్సినేషన్ ప్రక్రియ కొనసాగుతుందని ఆ దేశ ఆరోగ్య శాఖ డైరెక్టర్ సోరెన్ బ్రోస్ట్రోమ్ వెల్లడించారు.
ఆస్ట్రాజెనికా-ఆక్స్ ఫర్డ్ వ్యాక్సిన్‌ను ఉపయోగించవచ్చని ప్రపంచ ఆరోగ్య సంస్థ, యురోపియన్ డ్రగ్ కంట్రోలర్ చెప్పినా కూడా డెన్మార్క్ ఈ నిర్ణయం తీసుకోవడం గమనార్హం. ప్లేట్‌లెట్ల సంఖ్య తక్కువగా ఉండటం, వ్యాక్సిన్‌కు మధ్య క్రాస్ రియాక్షన్ ఉన్నట్లు బ్రోస్ట్రోమ్ చెప్పారు. డెన్మార్క్‌లో ఇప్పటికే వైరస్ సోకే అవకాశం ఎక్కువగా ఉన్న అందరికీ వ్యాక్సిన్లు వేశామని, కరోనా నియంత్రణలోనే ఉన్నదని తెలిపారు.
