ఐపీఎల్‌కు డ్వేన్ బ్రావో రిటైర్మెంట్ - సీఎస్‌కేకు బౌలింగ్ కోచ్‌గా సేవలు
వెస్టిండీస్ క్రికెటర్ డ్వేన్ బ్రావో ఇండియన్ ప్రీమియర్ లీగ్ (ఐపీఎల్)కు టాటా చెప్పేసారు. ఇకపై ఐపీఎల్ పోటీల్లో ఆడబోనని ఆయన ప్రకటించారు. అయితే, ఐపీఎల్ ఫ్రాంచైజీలలో ఒకటైన చెన్నై సూపర్ కింగ్స్ జట్టుకు బౌలింగ్ కోచ్‌గా సేవలు అందించనున్నట్టు ఆయన వెల్లడించారు.
టీ20 టోర్నీలో అత్యధిక వికెట్ల (దాదాపు 600 వికెట్లు) పడగొట్టిన క్రికెటర్‌గా ఖ్యాతిగడించిన డ్వేన్ బ్రావో... వచ్చే సీజన్ నుంచి ఐపీఎల్‌కు దూరంకానున్నాడు. ప్రస్తుతం సీఎస్కే జట్టు తరపున సేవలు అందిస్తున్నాడు. అయితే, తమ జట్టుకు బౌలింగ్ కోచ్‌గా సేవలు అందిస్తుందని సీఎస్కే జట్టు యాజమాన్యం తెలిపింది. దీనిపై డ్వేన్ బ్రావో స్పందించారు.
"నేను ఈ కొత్త ప్రయాణం కోసం వేచి చూస్తున్నాను. ఎందుకంటే నా ఆట దాదాపుగా ముగిసిన తర్వాత నేను చేస్తున్న పని ఇది. బౌలర్లతో కలిసి పని చేయడాన్ని నేను ఆస్వాదిస్తాను. ఈ రోల్ పట్ల నేను ఎంతో ఉత్సాహంగా ఉన్నాను. ఆటగాడి నుంచి కోచ్ పాత్రకు మారడం అంటే సర్దుకుపోవాలనేమీ అనుకోవడం లేదు. ఎందుకంటే అటగాడిగాను తోటి బౌలర్లతో కలిసే పని చేశాను. ఐపీఎల్ చరిత్రలో అత్యధిక వికెట్లు తీసిన వాడిగా నేను ఎప్పుడూ అనుకోలేదు. ఐపీఎల్‌లో భాగంగా ఉన్నందుకు సంతోషిస్తున్నాను" అని డ్వేన్ బ్రావో చెప్పుకొచ్చారు.
