శుక్రవారం, 12 జులై 2024
  1. క్రీడలు
  2. క్రికెట్
  3. వార్తలు
Written By సెల్వి
Last Updated : సోమవారం, 25 మార్చి 2024 (22:21 IST)

చెన్నైలో ఐపీఎల్ 2024 ఫైనల్‌ మ్యాచ్..

IPL_2021
ఐపీఎల్ 2024 ప్లేఆఫ్‌లకు అహ్మదాబాద్, చెన్నై ఆతిథ్యం ఇవ్వనున్నాయి. ఎంఏ చిదంబరం స్టేడియంలో మే 26న ఫైనల్‌ను బీసీసీఐ నిర్వహించనుంది. మే 24, 26 తేదీల్లో క్వాలిఫయర్ 2  ఫైనల్‌కు చెన్నైలోని ఎంఏ చిదంబరం స్టేడియం ఆతిథ్యం ఇవ్వగా, క్వాలిఫయర్-1, ఎలిమినేటర్ వరుసగా మే 21, 22న అహ్మదాబాద్‌లోని నరేంద్ర మోదీ స్టేడియంలో జరుగుతాయి.
 
చెన్నై గతంలో 2011, 2012లో ఐపీఎల్ ఫైనల్స్‌కు ఆతిథ్యం ఇవ్వగా, అహ్మదాబాద్ వరుసగా 2022, 2023 సీజన్లలో టైటిల్ పోరుకు ఆతిథ్యమిచ్చింది. రాబోయే సార్వత్రిక ఎన్నికల తేదీలను ప్రకటించనందున బీసీసీఐ ముందుగా ఐపీఎల్-2024 మొదటి 21 మ్యాచ్‌ల షెడ్యూల్‌ను విడుదల చేసింది.
 
ఏప్రిల్ 19 నుంచి జూన్ 1 వరకు ఏడు దశల్లో ఎన్నికలు జరగనుండగా, జూన్ 4న ఓట్ల లెక్కింపు జరగనుంది. ఎన్నికల కారణంగా పోటీని విదేశాలకు తరలించడంపై వచ్చిన ఊహాగానాలకు అడ్డుకట్ట వేస్తూ, మొత్తం ఐపిఎల్ 2024ని దేశంలోనే నిర్వహించాలనే మాటకు బోర్డు కట్టుబడి ఉంది.