గురువారం, 28 మార్చి 2024
  1. వార్తలు
  2. తెలుగు వార్తలు
  3. క్రైం న్యూస్
Written By వరుణ్
Last Updated : మంగళవారం, 25 ఏప్రియల్ 2023 (09:22 IST)

పురుషుడిలా వచ్చి ప్రియుడిపై యాసిడ్ దాడి చేసిన యువతి.. ఎక్కడ?

acid
తనను నమ్మించి, ప్రేమించి పెళ్లి చేసుకుంటానని మాటిచ్చి.. ఇపుడు మరో యువతిని పెళ్లి చేసుకుంటున్నాడనే కోపంతో ప్రియుడిపై ప్రియురాలు యాసిడ్‌ దాడికి పాల్పడింది. ఛత్తీస్‌గఢ్‌ రాష్ట్రంలోని బస్తర్‌ జిల్లాలో ఈ ఘటన చోటుచేసుకుంది. తాజాగా వెలుగులోకి వచ్చిన ఈ వివరాలను పరిశీలిస్తే, బానుపురికి చెందిన దమ్రుధర్‌ బాఘేల్‌ (25) అనే వ్యక్తి ఓ యువతిని ప్రేమించాడు. 
 
కొంతకాలం సాఫీగా జరిగిన వీరి ప్రేమలో ఇద్దరి మధ్య అభిప్రాయభేదాలు పొడచూపాయి. దీంతో బాఘేల్‌.. ప్రియురాలిని దూరం పెట్టాడు. ఈ క్రమంలోనే మరో యువతితో పెళ్లి ఖాయమైంది. ఈ విషయం తెలుసుకున్న ప్రియురాలు... కోపంతో ప్రియుడిని చంపాలని నిశ్చయించుకుంది. పెళ్లి జరిగే సమయంలో అబ్బాయిలా వేషం వేసుకుని యాసిడ్‌ సీసాతో మండపానికి వచ్చింది. 
 
ఆ సీసాను అతనిపై విసరడంతో వధూవరులకు గాయాలయ్యాయి. మరో 10 మంది స్వల్పంగా గాయపడ్డారు. ఘటన జరిగిన సమయంలోనే కరెంట్‌ పోవటంతో నిందితురాలు అక్కడి నుంచి పరారైంది. పోలీసులు మండపంలో ఉన్న సీసీ కెమెరాలను పరిశీలించి మారువేషంలో వచ్చింది అమ్మాయిగా గుర్తించారు. దాడి చేసిన మహిళ వరుడి మాజీ ప్రియురాలిగా నిర్ధారించి, ఆమెను అదుపులోకి తీసుకుని విచారిస్తున్నారు.