వేసవి తాపం నుండి కోరుకుంటున్న ఉపశమనాన్ని వర్షాకాలం తెస్తుంది కానీ ముఖ్యమైన ఆరోగ్య సమస్యలను కూడా వెంట పెట్టుకుని వస్తుంది. వాతావరణ మార్పులు, నిరంతర వర్షాల కారణంగా, ప్రజలు తరచుగా డెంగ్యూ, టైఫాయిడ్, జీర్ణకోశ ఇన్ఫెక్షన్లు, శ్వాసకోశ సమస్యలు, చర్మ సమస్యలు వంటి అనేక ఆరోగ్య సమస్యలను ఎదుర్కొంటారు. రుతుపవనాలు రోగనిరోధక శక్తిని కూడా ప్రభావితం చేస్తాయి, సమతుల్య మరియు పోషకాహారాన్ని తీసుకోవడం యొక్క ప్రాముఖ్యతను సైతం నొక్కి చెబుతుంది. డాక్టర్ రోహిణి పాటిల్, ఎంబిబిఎస్, పోషకాహార నిపుణులు, రోజువారీ భోజనంలో బాదం, తాజా పండ్లు మరియు కాలానుగుణ కూరగాయలు వంటి పోషకాలు అధికంగా ఉండే ఆహారాలను చేర్చుకోవాలని సలహా ఇస్తున్నారు. ఈ ఆహారాలు అవసరమైన పోషకాలతో నిండి ఉన్నాయని ఆమె వెల్లడిస్తూ, ఇవి శక్తిని పెంచడమే కాకుండా రోగనిరోధక శక్తిని సైతం బలోపేతం చేస్తాయని చెప్పుకొచ్చారు. ఈ కథనంలో, డాక్టర్ పాటిల్ వర్షాకాలంలో తినవలసిన మరియు నివారించాల్సిన ఆహారాలను గురించి చెప్పుకొచ్చారు. ఒకసారి వాటిని పరిశీలిస్తే...
ఏమి తినాలి?
1. బాదం: మీ జీవితంలో చేసుకునే చిన్న చిన్న మార్పులు పెద్ద తేడాను తీసుకురావచ్చు. ఉదాహరణకు, ప్రతిరోజూ కొన్ని బాదంపప్పులను తీసుకోవడం, క్రమం తప్పకుండా వ్యాయామం చేయడం ఆరోగ్యకరమైన జీవనశైలిని, మొత్తం శ్రేయస్సును నిర్వహించడానికి సహాయపడుతుంది. బాదంపప్పులు చిన్నవిగా కనిపించవచ్చు, కానీ వాటిలో రాగి, జింక్, ఫోలేట్ మరియు ఐరన్ వంటి 15 ముఖ్యమైన పోషకాలు పుష్కలంగా ఉన్నాయి. ఇవి రోగనిరోధక శక్తిని పెంచడానికి దోహదం చేస్తాయి. వర్షాకాలంలో సాధారణంగా సంభవించే అంటువ్యాధులు, ఇతర అనారోగ్యాలతో పోరాడటానికి బలమైన రోగనిరోధక శక్తి సహాయపడుతుంది. ఆరోగ్యకరమైన, సంతోషకరమైన శరీరం కోసం మీ రోజువారీ ఆహారంలో బాదంపప్పును చేర్చుకోవాలని డాక్టర్ రోహిణి పాటిల్ సిఫార్సు చేస్తున్నారు.
2. తాజా పండ్లు: యాపిల్స్, దానిమ్మపండ్లు, బెర్రీలు, అరటిపండ్లు వంటి తాజా పండ్లలో విటమిన్లు మరియు యాంటీఆక్సిడెంట్లు అధికంగా ఉంటాయి, ఇవి రోగనిరోధక శక్తిని పెంచుతాయి. జీర్ణక్రియకు సహాయపడతాయి. వీటిలో విటమిన్ సి, ఫైబర్ పుష్కలంగా ఉన్నాయి, ఆరోగ్యకరమైన జీర్ణక్రియను ప్రోత్సహిస్తాయి, మలబద్ధకాన్ని నివారిస్తాయి, ఇన్ఫెక్షన్ల ప్రమాదాన్ని తగ్గిస్తాయి. ఈ పండ్లలో సన్నగా తరిగిన బాదంపప్పును జోడించడం లేదా వాటిని స్నాక్స్‌గా తీసుకోవడం వల్ల మన జీవితంలో ఆరోగ్యకరమైన మార్పు వస్తుంది.
3. వెజిటబుల్ సూప్- హెర్బల్ టీ: మారుతున్న వాతావరణంతో, మీ శరీరాన్ని వెచ్చగా ఉంచుకోవడం చాలా ముఖ్యం. కూరగాయల సూప్ సులభంగా జీర్ణం అవుతుంది. రోగనిరోధక శక్తిని పెంచుతుంది. అల్లం, తులసి, లెమన్‌గ్రాస్ టీలు యాంటీ ఇన్ఫ్లామేటరీ లక్షణాలకు ప్రయోజనకరంగా ఉంటాయి. ఇన్‌ఫెక్షన్‌లను నివారించడంలో సహాయపడతాయి.
ఏమి తినకూడదు?
1. జంక్ ఫుడ్: వర్షాకాలంలో, అపరిశుభ్రమైన స్ట్రీట్ ఫుడ్, నూనెలో వేయించిన వంటకాలకు దూరంగా ఉండటం చాలా అవసరం. ఎందుకంటే అవి జీర్ణవ్యవస్థలో అసౌకర్యాన్ని పెంచుతాయి. ఆహారం, నీటి ద్వారా వచ్చే అనారోగ్యాల సంభావ్యతను పెంచుతాయి. వేయించిన ఆహారాలు, ముఖ్యంగా నిల్వ నూనెలో తయారుచేసినవి, కడుపు ఉబ్బరం, అజీర్ణం మరియు ఫుడ్ పాయిజనింగ్ ప్రమాదాన్ని పెంచుతాయి.
2. నిల్వ లేదా మిగిలిపోయిన ఆహారం: వర్షాకాలంలో, మిగిలిపోయిన ఆహారం వేగంగా బ్యాక్టీరియా పెరిగేందుకు కారణమవుతుంది, ఇది ఫుడ్ పాయిజనింగ్‌కు దారితీస్తుంది. దీనిని నివారించడానికి, నిల్వ ఆహారాన్ని తీసుకోకుండా ఉండటం మంచింది. మిగిలిపోయిన ఆహారాన్ని ఎల్లప్పుడూ గాలి చొరబడని కంటైనర్లలో రిఫ్రిజిరేటర్లో నిల్వ చేయండి. తాజాదనాన్ని నిర్ధారించడానికి రిఫ్రిజిరేటర్లో నిల్వ చేసిన వస్తువులను ఒకటి లేదా రెండు రోజులలోపు తినండి.
3. ఆకుకూరలు, పచ్చి కూరగాయలు: వర్షాకాలంలో, తేమతో కూడిన పరిస్థితులలో కాలుష్యం, బ్యాక్టీరియా పెరుగుదల యొక్క అధిక ప్రమాదం కారణంగా కొన్ని ఆకుకూరలు, పచ్చి కూరగాయలను తినేటప్పుడు జాగ్రత్త వహించడం చాలా ముఖ్యం. బచ్చలికూర, క్యాబేజీ మరియు పాలకూర వంటి కూరగాయలను పూర్తిగా శుభ్రం చేసిన తరువాత మాత్రమే తరచుగా పచ్చిగా లేదా ఉడికించి తినాలి. ఈ సమయంలో ఆహారం వల్ల కలిగే అనారోగ్యాల ప్రమాదాన్ని తగ్గించడానికి నమ్మకమైన వ్యక్తుల నుండి సేకరించిన కూరగాయలను ఎంచుకోవడం మంచిది.
మారుతున్న వాతావరణంలో ఈ ఆహార చిట్కాలను అనుసరించటం మొత్తం ఆరోగ్యాన్ని మెరుగుపరుస్తుంది. తేమ మరియు అనూహ్య వాతావరణంలో ఎక్కువగా కనిపించే జలుబు, దగ్గు మరియు జీర్ణ సమస్యల వంటి సాధారణ కాలానుగుణ వ్యాధుల నుండి శరీరాన్ని కాపాడుతుంది.
-డాక్టర్ రోహిణి పాటిల్, ఎంబిబిఎస్ మరియు న్యూట్రిషనిస్ట్
