తండ్రీ శవం వద్ద మోడల్ సెక్సీ ఫోటోషూట్!
సాధారణంగా కుటుంబ సభ్యుల్లో ఎవరైనా భౌతికంగా దూరమైతే ఆ ఇంట్లో విషాదం నెలకొంటుంది. అదీకూడా కన్నతండ్రి చనిపోతే చెప్పనక్కర్లేదు. తండ్రిని తలుచుకొని ఏడుస్తూ, తల్లిని, తోబుట్టువులను ఓదారుస్తూ ఉంటుంది.
కానీ, ఇక్కడ మనం చెప్పుకోబోయే ఒక యువతి మాత్రం అందుకు విరుద్ధం. తండ్రి చనిపోయాడనే బాధే లేకుండా.. అతని మృతదేహం వద్ద సెక్సీ ఫోటోషూట్ చేసింది. ఆ ఫొటోలను సోషల్ మీడియాలో పెద్ద ఘన కార్యం చేసినట్లు పోస్ట్ చేసింది. దీంతో ప్రపంచవ్యాప్తంగా విమర్శల పాలయ్యింది. ఈ ఘటన అమెరికాలో వెలుగు చూసింది.
తాజాగా వెలుగులోకి వచ్చిన ఈ వివరాలను పరిశీలిస్తే, అమెరికాలోని ఫ్లోరిడా రాష్ట్రం మియామీ సిటీకి చెందిన జేన్ రివేరా ఒక టిక్ టాక్ స్టార్‌గా గుర్తింపు పొందారు. ఈమెకు కొద్దిగా పేరు ప్రఖ్యాలు, గుర్తింపు వచ్చింది. ఈ క్రమంలో ఇటీవల ఆమె తండ్రి అనారోగ్యంతో మృతి చెందాడు. ఉన్నంతలోనే అంత్యక్రియలు నిర్వహించారు. ఇంతవరకు బాగానేవుంది.
అయితే, ఈ యువతి మాత్రం తన తండ్రి చావును పబ్లిసిటీ స్టంట్‌గా వాడుకుంది. తండ్రి మృతదేహాన్ని పక్కన పెట్టుకొని సెక్సీ పోజులతో ఫోటోలకు రెడీ అయిపోయింది. అదేదో సినిమా, యాడ్ షూట్ లా తండ్రి శవం పక్కన నవ్వుతూ నిలబడింది. అంతేకాకుండా ఆ ఫోటోలను షేర్ చేస్తూ 'నా సీతాకోక చిలుక ఎగిరిపోతుంది.. నీ ఆత్మకు శాంతి కలగాలి నాన్నా.. రెస్ట్ ఇన్ పీస్' అంటూ పోస్ట్ చేసింది.
మిగతా విషయాలలో అమ్మడిని సపోర్ట్ చేసిన ఆమె ఫాలోవర్స్ .. ఈ విషయంలో మాత్రం విమర్శలు చేస్తున్నారు. ఇంత బాధలో ఉన్నా కూడా నీకు ఫోటో షూట్ అవసరమా..? అని కొందరు.. మరి దారుణం ఇది అని మరికొందరు ఆమెను విమర్శిస్తున్నారు. ఇవేమి పట్టించుకోని జేన్ .. నేను చేసిన దానిలో తప్పేముంది అంటూ ఎదురు ప్రశ్నించడం గమనార్హం.
