సంబంధిత వార్తలు
ఫేస్బుక్ మరో కీలక నిర్ణయం... ఫేస్బుక్ లైవ్పై ఆంక్షలు
ప్రముఖ సోషల్ మీడియా దిగ్గజం ఫేస్బుక్కు ఈ మధ్య కాలంలో వరుస ఎదురుదెబ్బలు తగులుతుండటంతో మరో కీలక నిర్ణయం తీసుకుంది. ఇకపై ఫేస్బుక్ లైవ్లను పర్యవేక్షించనుంది. ఈ మేరకు లైవ్లో కొన్ని ఆంక్షలు కూడా విధించాలని కూడా ఆ సంస్థ నిర్ణయం తీసుకుంది. ఈ విషయాన్ని ఫేస్బుక్ సీవోవో షెరిల్ శాండ్బెర్గ్ వెల్లడించారు.
ప్రామాణిక అంశాలపై ఆధారపడి ఫేస్బుక్లో ఎవరెవరు లైవ్కు వెళ్లవచ్చు అనే విషయాన్ని ఫేస్బుక్ పరిశీలిస్తోందని ఆమె తన బ్లాగ్లో వెల్లడించారు. కాగా ఇటీవల న్యూజిలాండ్లోని క్రైస్ట్చర్చ్లో జరిగిన నరమేధం ఫేస్బుక్లో లైవ్ అయింది. ఈ సంఘటనతో ప్రపంచవ్యాప్తంగా తీవ్ర దుమారం చెలరేగడంతో తమ మాధ్యమంలో మరిన్ని ఆంక్షలు విధించాలని నిర్ణయం తీసుకుంది. ఇందులో భాగంగా లైవ్లు, రెచ్చగొట్టే ప్రసంగాలపై ఆంక్షలను విధించనున్నారు.
