సామ్‌సంగ్ గెలాక్సీ ఎస్ 8పై గుడ్ న్యూస్: మార్చి 29న రిలీజ్‌కు సన్నాహాలు

సామ్‌సంగ్ గెలాక్సీ ఎస్ 8పై ఓ శుభవార్త. మార్చి 29న దీన్ని విడుదల చేసేందుకు శామ్‌సంగ్ సన్నాహాలు చేస్తున్నట్లు తెలిపింది. ఎస్‌7తో భంగపడ్డ సంస్థ ఎస్‌8 చాలా ప్రత్యేకంగా ఉంటుందని సమాచారం. వినూత్నంగా ఉండేలా

Selvi| Last Updated: గురువారం, 16 మార్చి 2017 (10:40 IST)
సామ్‌సంగ్ గెలాక్సీ ఎస్ 8పై ఓ శుభవార్త. మార్చి 29న దీన్ని విడుదల చేసేందుకు శామ్‌సంగ్ సన్నాహాలు చేస్తున్నట్లు తెలిపింది. ఎస్‌7తో భంగపడ్డ సంస్థ ఎస్‌8 చాలా ప్రత్యేకంగా ఉంటుందని సమాచారం. వినూత్నంగా ఉండేలా ఇన్‌ఫినిటీ డిస్‌ప్లేతో ఈ ఫోన్ మార్కెట్లోకి రాబోతోంది.

18:9 రేషియోతో ఫుల్‌ విజన్‌ డిస్‌ప్లే కొత్త అనుభూతినిస్తుంది. ఈ మొబైల్‌లో ర్యామ్ 5జీబీ, అంతర్గత మెమరీ 128 జీబీ ఉండబోతోంది. నూగట్ వర్షన్‌తో వచ్చే ఈ స్మార్ట్ ఫోన్ అల్ట్రా హెచ్‌డీ రిజల్యూషన్‌తో 6.2 అంగుళాలతో టచ్ స్క్రీన్ తెరపైకి రానుంది.

వెనుక కెమెరా 16 మెగా ఫిక్సెల్‌, బ్యాటరీ 3000 ఎంఏహెచ్‌ సామర్థ్యంతో వస్తున్నట్లు తెలుస్తోంది. బ్లాక్, సిల్వర్ కలర్లలో ఈ ఫోన్ అందుబాటులోకి రానుంది. వెల్వెట్‌ను పోలిన అమేథిస్ట్ రంగులో ఎస్ 8ను కూడా విడుదల చేసేందుకు రంగం సిద్ధమవుతోంది. 3డీ టెక్నాలజీతో గెలాక్సీ ఎస్ 8 ఫోన్ మార్కెట్లోకి తేనున్నట్లు సంస్థ ఓ ప్రకటనలో తెలిపింది.



దీనిపై మరింత చదవండి :