అంజూ సెటిలైపోయింది.. కానీ ఫ్యామిలీకి కష్టాలు..
ఫేస్‌బుక్ ప్రియుడి కోసం భర్త, పిల్లలను వదిలి పాకిస్థాన్ వెళ్లిన మహిళ అంజూ ప్రస్తుతం బాగా సెటిలైపోయింది. మతం మారి ఫాతిమాగా పేరు మార్చుకుని ప్రియుడిని పెళ్లాడింది. అయితే అంజూ కుటుంబం మాత్రం నానా తంటాలు పడుతోంది.
అంజూ కుటుంబాన్ని మాత్రం ఇబ్బందులు చుట్టుముట్టాయి. అంజూ చేసిన పనికి తొలుత సానుభూతి వ్యక్తం చేసిన వారే ఇప్పుడు అనుమానంగా చూస్తున్నారు. అంజూ భర్త ఉద్యోగం ఊడింది. అంజూ భర్త పనిచేస్తున్న కంపెనీ ఆయనను ఇంటికే పరిమితం కావాలని, కంపెనీ పేరును బయట పెట్టొద్దని సూచించినట్లు సమాచారం.
తాము పిలిచే వరకు ఆఫీసుకు రావొద్దని చెప్పినట్లు తెలుస్తోంది. అంజూ మరిదిని కూడా సమస్యలు వెంటాడుతున్నాయి. వదిన చేసిన పనికి ఆయన కూడా ఉద్యోగం పోగొట్టుకున్నాడు. టైలర్‌గా పనిచేసే అంజూ తండ్రికి ప్రస్తుతం ఉపాధి లేకుండా పోయింది.
భర్త, ఇద్దరు పిల్లలను వదిలి అంజూ ప్రియుడి కోసం వెళ్లడం, అక్కడ మతం మారి పెళ్లి చేసుకోవడంపై గ్రామస్థులు ఆగ్రహం వ్యక్తం చేస్తున్నారు.
