శ్రీలంకలో భారతీయ ఉన్నతాధికారిపై దాడి

Publish: Wed, 20 Jul 2022 (08:03 IST) Updated: Wed, 20 Jul 2022 (08:04 IST)

శ్రీలంకలో పరిస్థితులు నానాటికీ దిగజారిపోతున్నాయి. ఇప్పటికే పీకల్లోతు ఆర్థిక సంక్షోభంలో చిక్కుకున్న శ్రీలంకను గట్టెక్కించేందుకు ఆ దేశ పాలకులు అన్ని రకలా చర్యలు తీసుకుంటున్నారు. అయినప్పటికీ పరిస్థితులు చక్కబడటం లేదు. పైగా, పరిస్థితులు మరింతగా దిగజారిపోతున్నాయి. ఈ క్రమంలో భారత ప్రభుత్వం సీనియర్ అధికారిపై దాడి జరిగింది. 

భారత వీసా కేంద్రం డైరెక్టరుగా ఉన్న వివేక వర్మపై సోమవారం రాత్రి కొలంబో సమీపంలో గుర్తుతెలియని దుండగుడు దాడి చేశాడు. ఈ దాడిలో ఆయన తీవ్రంగా గాయపడినట్టు భారత హైకమిషన్ ఓ ట్వీట్ ద్వారా తెలిపింది. ఈ దాడి ఘటనను అధికారుల దృష్టికి తీసుకెళ్లినట్టు తెలిపారు. 

ప్రస్తుత పరిస్థితుల్లో శ్రీలంకలోని భారతీయులు తాజా పరిణామాలను ఎప్పటికపుడు తెలుసుకుంటూ అందుకు అనుగుణంగా తమ ప్లాన్ చేసుకోవాలని భారత ప్రభుత్వం కోరింది. అత్యవసర సమయాల్లోనే తమను సంప్రదించాలని సూచించింది.