ఇంటి పక్కన ఆడుకుంటున్న మూడేళ్ల చిన్నారి.. బాత్రూంలోకి తీసుకెళ్లి అత్యాచారం!!
జార్ఖండ్ రాష్ట్రంలోని జెంషెడ్‌పూర్‌లో దారుణం జరిగింది. పట్టుమని పదేళ్లు కూడా నిండని ఓ బాలుడు మూడేళ్ళ చిన్నారిపై అఘాయిత్యానికి పాల్పడ్డాడు. ఇంటి పక్కన ఆడుకుంటున్న ఆ చిన్నారిని బలవంతంగా బాత్రూమ్‌లోకి లాక్కెళ్లి లైంగికదాడికి పాల్పడ్డాడు. తాజాగా వెలుగులోకి వచ్చిన ఈ వివరాలను పరిశీలిస్తే,
జంషెడ్జిల్లాలోని ప‌ర్సుఢి పోలీస్ స్టేష‌న్ ప‌రిధిలో ఉన్న లోకో కాల‌నీలో బాధిత చిన్నారి కుటుంబం అద్దెకు నివసిస్తోంది. ఈ నెల నాలుగో తేదీన ఆ చిన్నారి త‌న ఇంటిముందు ఒంట‌రిగా ఆడుకుంటున్న‌ది. అది గ‌మనించిన ప‌క్కింటి కుర్రాడు ఆ బాలిక‌ను త‌న ఇంట్లోకి తీసుకెళ్లి లైంగిక దాడికి పాల్పడ్డాడు.
ఈ మేర‌కు బాధితురాలి త‌ల్లిదండ్రులు స్థానిక పోలీసుల‌కు శ‌నివారం ఫిర్యాదు చేశారు. నిందితుడు, అత‌ని తండ్రి ప‌రారీలో ఉన్నార‌ని, దీంతో వారిద్ద‌రి కోసం గాలిస్తున్నామ‌ని పోలీసులు తెలిపారు. ఆ చిన్నారి తండ్రి ఊర్లో లేక‌పోవ‌డంతోనే ఎఫ్ఐఆర్ న‌మోదు చేయడానికి ఆల‌స్య‌మ‌య్యింద‌ని చెప్పారు. కాగా, ఆ బాలుడు, అత‌ని తండ్రిపై కేసు న‌మోదు చేశామని వెల్ల‌డించారు.
