కోల్‌కతా హత్యాచారం: నా కుమార్తె డైరీలో ఓ పేజీ చిరిగి వుంది, కానీ...
జూనియర్‌ వైద్యురాలిపై హత్యాచార ఘటన దేశంలో కలకలం రేపింది. ఈ ఘటనకు సంబంధించి పోలీసులు నిందితుడిని అరెస్ట్ చేశారు. ఇంకా ఈ హత్యాచార ఘటనలో రోజుకో కొత్త విషయం వెలుగులోకి వస్తోంది. తాజాగా మరో విషయం వెలుగులోకి వచ్చింది.
తన కుమార్తెకు డైరీ రాసే అలవాటుందని.. తమ కుమార్తె డైరీలో ఓ పేజీ చిరిగి ఉందని బాధితురాలి తండ్రి చెబుతున్నారు. అమ్మాయి బ్యాగులో ఎప్పుడూ పర్సనల్‌ డైరీ ఉంటుంది.
దాన్ని ఇప్పటికీ చదవలేదని.. ఆస్పత్రికి వచ్చాక తను రోజు తమతో అన్ని విషయాలు పంచుకుంటుందని.. ఈ ఘటన తర్వాత తన డైరీని చూస్తే అందులో ఓ పేజీ కొంత చిరిగి ఉందనీ దానికి సంబంధించిన ఫొటో తన వద్ద ఉందని బాధితురాలి తండ్రి ఓ జాతీయ మీడియాకు తెలిపారు. అయితే, అందులో ఏముందనే విషయాన్ని బయటపెట్టేందుకు ఆయన నిరాకరించారు.
