8వ సంఖ్యలో పుట్టారా? ఎదుటివారిని బాధపెట్టరట!

సంఖ్యా శాస్త్రం ప్రకారం ఎనిమిదో సంఖ్యలో పుట్టిన జాతకులు ఆశావహ దృక్పథాన్ని కలిగివుంటారు. ఈ సంఖ్యలో పుట్టిన జాతకులు స్వతహాగా నెమ్మదస్తులని, పెద్దలన్నా, దేవుడన్నా అధిక భక్తి భావాన్ని కనబరిచే వీరి మాటలు సున్నితంగా, ఎదుటివారిని బాధ పెట్టనివిగా ఉంటాయి. ఈ సంఖ్యవారి వివాహజీవితం సుఖప్రదంగానే సాగుతుంది. 

ప్రేమ వ్యవహారాలు అంతగా అనుకూలించవు. ఈ సంఖ్యలో పుట్టిన జాతకులు ఒకటో సంఖ్యకు చెందినవారిని వివాహం చేసుకోవడం మంచిది. మంచి సంతానం కలుగుతుంది. వీరికి పడమర ముఖం గల ఇల్లు, షాపు, వ్యాపారసంస్థలు కలిసివస్తాయి. ఈ సంఖ్యలో పుట్టిన వారికి నీలం, బూడిద రంగు దుస్తులు ధరిస్తే శుభం చేకూరుతుంది. వీరి అదృష్ట సంఖ్య, అదృష్ట సంఖ్య ఎనిమిది అని సంఖ్యాశాస్త్ర నిపుణులు చెబుతున్నారు. 

ఇంకా 1, 10, 17, 26, 28 తేదీలలో శనివారం కలిసివస్తే, ఆ రోజుల్లో వీరు చేపట్టిన పనులు నిర్విఘ్నంగా నెరవేరుతాయి. ఈ సంఖ్యలో పుట్టిన జాతకులు వెండి ఆభరణాలను ధరించడం మంచిది. ఆది, సోమ, శనివారాలు కలిసివస్తాయి. అలాగే ఈ సంఖ్యలో పుట్టిన జాతకులు ఈశ్వరుని ఆరాధిస్తే మంచి ఫలితాలు చేకూరుతాయని సంఖ్యాశాస్త్ర నిపుణులు అంటున్నారు.