నా డబ్బు నాకు ఇచ్చేయండి, ఎన్నికల్లో ఓడిన అభ్యర్థి డిమాండ్ (video)

తెలంగాణ పంచాయతీ ఎన్నికల్లో విజయం సాధించినవారు టపాసులు కాల్చుతూ చిందులు వేస్తున్నారు. ఐతే ఓడిన అభ్యర్థులు ఒక్కో రకంగా స్పందిస్తున్నారు. కొందరైతే తమకు ఓట్లు వేయాలని ఇంటింటికి డబ్బులు పంచామనీ, తమ డబ్బు తిరిగి ఇవ్వాలంటూ ఇంటింటికీ తిరిగి డిమాండ్ చేస్తున్నారు. 

మహబూబాబాద్ లోని సోమ్లా తండాలో సర్పంచ్ అభ్యర్థిగా పోటీ చేసిన భూక్యా కౌసల్య 27 ఓట్ల తేడాతో ఓడిపోయింది. దీనితో తను డబ్బులు ఇచ్చినా తనకు ఓట్లు వేయలేదంటూ ఓటర్లపై ఆగ్రహం వ్యక్తం చేసింది. ఇంటింటికి వెళ్లి తనకు ఓటు వేసారో లేదో ప్రమాణం చేయాలనీ, లేదంటే తన డబ్బు తనకు వాపస్ ఇవ్వాలంటూ వాగ్వాదానికి దిగుతోంది. ఇలాంటి ఘటనలు పలుచోట్ల జరుగుతున్నాయి.

పంచిన డబ్బులు తిరిగి అడుగుతున్న కాంగ్రెస్ ఎమ్మెల్యే మురళీ నాయక్ వదిన భూక్యా కౌసల్య

మహబూబాబాద్ మండలం సోమ్లా తండాలో జరిగిన పంచాయతీ ఎన్నికల్లో కాంగ్రెస్ అభ్యర్థిగా సర్పంచ్ స్థానానికి పోటీ చేసి ఓడిపోయిన భూక్యా కౌసల్య

దీంతో నాకు ఓటు వేయలేదు.. నేను ఇచ్చిన డబ్బులు తిరిగి ఇవ్వండని… https://t.co/2srrPpzQf6 pic.twitter.com/h0IMBU4Pzy

— Telugu Scribe (@TeluguScribe) December 12, 2025