నైరుతి బంగాళాఖాతంలో అల్పపీడనం- ఏపీ, తెలంగాణల్లో భారీ వర్షాలు
నైరుతి బంగాళాఖాతంలో అల్పపీడనం ఏర్పడుతోందని, మే 24 నాటికి వాయుగుండంగా బలపడే అవకాశం ఉందని వాతావరణ శాఖ అధికారులు హెచ్చరిస్తున్నారు. శ్రీలంక నుంచి కోస్తాంధ్ర, రాయలసీమ మీదుగా విస్తరించిన ఉపరితల ద్రోణి ప్రస్తుతం కొనసాగుతోంది.
సముద్ర మట్టానికి 3.1 కి.మీ ఎత్తులో ఇది కేంద్రీకృతమైంది. ఈ వాతావరణ నమూనా ఫలితంగా, మే 23 వరకు ఆంధ్రప్రదేశ్, తెలంగాణాలో మోస్తరు నుండి భారీ వర్షాలు కురిసే అవకాశం ఉంది.
ఈ సమయంలో కోస్తా ఆంధ్ర, తెలంగాణా జిల్లాలు భారీ నుండి అతి భారీ వర్షాలు కురిసే అవకాశం ఉంది. ప్రభావిత ప్రాంతాల్లోని నివాసితులు జాగ్రత్తలు తీసుకోవాలని వాతావరణ శాఖాధికారులు సూచించారు.
