శుక్రవారం, 1 మార్చి 2024
  1. వార్తలు
  2. తెలుగు వార్తలు
  3. తెలంగాణ వార్తలు
Written By సెల్వి
Last Updated : గురువారం, 7 డిశెంబరు 2023 (22:23 IST)

రేవంత్ రెడ్డికి అభినందనలు.. రాష్ట్ర అభివృద్ధికి సాయం.. ప్రధాని

pmmodi
తెలంగాణ ముఖ్యమంత్రిగా ప్రమాణ స్వీకారం చేసిన రేవంత్ రెడ్డికి ప్రధాన మంత్రి నరేంద్ర మోదీ అభినందనలు తెలిపారు. తెలంగాణ రాష్ట్ర అభివృద్ధి కోసం కేంద్రం అన్ని విధాలా సాయం అందిస్తుందని హామీ ఇచ్చారు. 
 
సీఎంగా రేవంత్ రెడ్డి బాధ్యతలు చేపట్టిన నేపథ్యంలో పీఎం మోదీ ట్విట్టర్ వేదికగా సందేశం ఇచ్చారు. రాష్ట్ర ప్రగతికి, పౌరుల సంక్షేమానికి అన్ని విధాలా తోడ్పాటు అందిస్తానని తాను హామీ ఇస్తున్నానని తెలిపారు. 
 
ఎన్నికల సమయంలో రాజకీయంగా కాంగ్రెస్ పార్టీపై తీవ్ర స్థాయిలో విమర్శలు చేసినా ప్రధాన మంత్రి నరేంద్ర మోదీ.. కేంద్రం తరపున రాష్ట్ర అభివృద్ధికి సహకరిస్తానంటూ ట్వీట్ చేయడం ద్వారా ఆయనపై ప్రశంసల వర్షం కురుస్తోంది.
 
మరోవైపు తెలంగాణ ముఖ్యమంత్రిగా రేవంత్ రెడ్డి ప్రమాణ స్వీకార కార్యక్రమానికి ఏపీ సీఎం వైఎస్ జగన్, ప్రతిపక్ష పార్టీ నాయకులు చంద్రబాబు, పవన్ కళ్యాణ్ తదితరులకు ఆహ్వానాలు పంపారు. అయితే వీరు ప్రమాణ స్వీకారానికి హజరు కాలేదు కానీ, ట్విట్టర్ వేదికగా అభినందనలు తెలియజేశారు.