కేటీఆర్ కాలికి గాయమైంది.. 3 వారాలు రెస్ట్.. పుట్టిన రోజు వేడుకలకు దూరం
తెలంగాణ ఐటీ, పరిశ్రమల శాఖ మంత్రి కేటీఆర్ కాలికి గాయమైంది. దీంతో మూడు వారాలు విశ్రాంతి తీసుకోవాలిని వైద్యులు సూచించారు. ఈ విషయాన్ని కేటీఆర్ స్వయంగా తన ట్విట్టర్ ఖాతాలో వెల్లడించారు. ఈ విశ్రాంతి సమయంలో ఓటీటీకి సంబంధించి ఎవరైన తనకు సలహా ఇవ్వాలని కేటీఆర్ ట్విట్టర్‌లో కోరారు.
మరోవైపు కేటీఆర్‌కు ఆదివారం (జూలై 24) రోజున 46వ పుట్టిన రోజు. ఈ సందర్భంగా ఆయన కీలక నిర్ణయం తీసుకున్నారు. రాష్ట్ర వ్యాప్తంగా భారీ వర్షాలు కురుస్తున్న నేపథ్యంలో తన జన్మదిన వేడుకలకు దూరంగా ఉంటున్నట్లు తెలిపారు.
భారీ వర్షాలు, పలు జిల్లాల్లో వరదల వల్ల ప్రజలు ఇబ్బంది పడుతున్నారని.. వారికి పార్టీ శ్రేణులు తమకు తోచిన మేరకు ‘గిఫ్ట్ ఏ స్మైల్ (Gift A Smile)’ కార్యక్రమం కింద సహాయం చేయాలని పిలుపునిచ్చారు.
పార్టీ ప్రజాప్రతినిధులు, నాయకులు జన్మదిన సంబురాలకు బదులు స్థానికంగా ఉన్న ప్రజలకు సహాయం చేయాలని కేటీఆర్ విజ్ఞప్తి చేస్తూ మానవత్వం చాటుకున్నారు.
