పాట్నా వేదికగా "పుష్ప-2" ప్రమోషన్ ఈవెంట్?
శంకర్ - రామ్ చరణ్ కాంబినేషన్‌లో నిర్మాత దిల్ రాజు నిర్మించిన గేమ్ ఛేంజర్ చిత్రం టీజర్ రిలీజ్ వేడుక ఉత్తర ప్రదేశ్ రాష్ట్రంలోని లక్నోలో నిర్వహించనున్నారు. ఈ విషయాన్ని నిర్మాత అధికారికంగా ప్రకటించారు. ఇదే బాటలో ఇతర చిత్రాల నిర్మాతలు పయనించనున్నారు. అల్లు అర్జున్ హీరోగా సుకుమార్ దర్శకత్వంలో రూపొందిన పుష్ప-2 చిత్రం ప్రమోషన్ ఈవెంట్‌ను సైతం బీహార్ రాష్ట్ర రాజధాని పాట్నాలో నిర్వహించాలని భావిస్తున్నట్టు సమాచారం. దీనికి పలు కారణాలు లేకపోలేదు.
గతంలో 'బాహుబలి-2', 'ఆర్ఆర్ఆర్' సినిమాలకు టీమ్ సభ్యులు దేశవ్యాప్తంగా క్యాంపెన్ చేయగా, ఈ మధ్య "కల్కి" సినిమాలోని బుజ్జి వెహికల్‌ను దాదాపు అన్నీ ప్రధాన నగరాల్లో తిప్పి ప్రమోట్ చేశారు. ఈ స్ట్రాటజీ బాగా వర్కౌట్ అయింది. ప్రమోషన్స్ కోసమే నెలరోజుల సమయాన్ని కేటాయించారు. ఇప్పుడు సేమ్ స్ట్రాటజీ "పుష్ప-2" ప్రచారం విషయంలో అప్లై చేయనున్నట్టు తెలుస్తుంది.
అయితే అంతా ఉత్తరాదిలోనేనా దక్షిణాదిలో లేదా ప్రశ్న ఉత్పన్నమవుతుంది. ఇక్కడ కూడా లాంటి హైదరాబాద్, బెంగళూరు, చైన్నై, కొచ్చి వంటి ప్రధాన నగరాల్లో ఈ చిత్రం ప్రమోషన్ కార్యక్రమాలను నిర్వహించనున్నట్టు సమాచారం. కానీ మేకర్స్ ఫోకస్ మాత్రం ఎక్కువగా నార్త్ పైనే ఉంది.
కాగా, గేమ్ ఛేంజర్ ప్రమోషన్స్‌ను తొలుత లక్నోలో ప్రారంభించి ఆ తర్వాత అమెరికాలోని డల్లాస్‌లో చేపట్టనున్నారు. పిమ్మట ఢిల్లీ, ముంబై, చెన్నై, బెంగుళూరు, కొచ్చితో రెండు తెలుగు రాష్ట్రాల్లో భారీగా ప్రాన్ చేసినట్టు నిర్మాత దిల్ రాజు తెలిపారు. సినిమాని జనవరి 10వ తేదీన విడుదల చేయనున్నట్టు విషయం తెల్సిందే.
