అల్లు అర్జున్‌కు హెల్త్ ఇష్యూ?: ఐటమ్ సాంగ్‌కు బ్రేక్
స్టైలిష్ స్టార్ అల్లు అర్జున్ పుష్ప-2 షూటింగ్‌లో బిజీ బిజీగా వున్నాడు. భారీ బడ్జెట్‌తో మైత్రీ మూవీమేకర్స్‌, సుకుమార్‌ రైటింగ్స్‌ కలిసి నిర్మిస్తున్న ఈ చిత్రానికి సంబంధించిన ఓ ఐటమ్ సాంగ్‌ని ఈ వారంలోనే చిత్రీకరించడానికి దర్శకుడు సుకుమార్‌ ప్లాన్ చేశారు.
అయితే అల్లు అర్జున్ అనుకోకుండా అనారోగ్యం పాలవ్వడంతో ఈ పాట షూటింగ్ వాయిదా పడింది. ఈ వారంలో జరిగే పాట చిత్రీకరణ విషయంలోనూ చాలాసార్లు రిహార్సల్స్ చేశారని.. అయితే ఉన్నట్టుండి ఆయన సిక్‌ అవ్వడంతో షూటింగ్‌ని ఈ నెల రెండోవారానికి మేకర్స్‌ పోస్ట్‌ పోన్‌ చేశారు.
షూటింగ్‌లో అల్లు అర్జున్ గాయపడినట్లు తెలుస్తోంది. దీంతో ఏర్పడిన అస్వస్థత కారణంగా పుష్ప2 ఐటమ్ సాంగ్ షూటింగ్‌కు బన్నీ దూరమైనట్లు సమాచారం. ఈ చిత్రం వచ్చే ఏడాది ఆగస్ట్‌ 15న విడుదల కానుంది.
