ఐష్ పెట్టిన ఉంగరం లేకుండా కనిపించిన అభిషేక్, విడాకులు అంటూ గొడవ
బాలీవుడ్ నటి ఐశ్వర్యరాయ్ వ్యక్తిగత జీవితం గురించి ఇప్పటికి ఎన్నోమార్లు చర్చల్లో నిలిచింది. మళ్లీ ఐష్, అభిషేక్ బచ్చన్ విడాకుల గురించి మాట్లాడుతున్నారు. ఇదిలావుండగా ఆమె పాత ఇంటర్వ్యూ ఒకటి వైరల్ అవుతోంది, అందులో తను- అభిషేక్ ప్రతిరోజూ గొడవపడేవారని ఆమె వెల్లడించింది. అయితే అభిషేక్ కూడా స్పందించాడు.
అభిషేక్ బచ్చన్- ఐశ్వర్య రాయ్ బచ్చన్ బాలీవుడ్ ప్రియమైన జంటలలో ఒకటి. వీరికి వివాహమై 16 ఏళ్లు దాటింది. కుమార్తె ఆరాధ్య బచ్చన్‌కు తల్లిదండ్రులు. ఈ జంట తమ వ్యక్తిగత జీవితాలను గోప్యంగా ఉంచడానికి ఇష్టపడతారు. అయితే తాజాగా అభిషేక్ పెళ్లి ఉంగరం లేకుండా కనిపించడంతో అభిమానులు ఆందోళనకు గురయ్యారు. ఇంతకుముందు ఒక పాత ఇంటర్వ్యూలో, తన వివాహం గురించి మాట్లాడుతున్నప్పుడు, ఐశ్వర్య రాయ్ బచ్చన్ తనకు- అభిషేక్‌కు రోజూ గొడవలు జరుగుతున్నాయని వెల్లడించింది.
పాత 2010లో 'వోగ్ ఇండియా'కి ఇచ్చిన ఇంటర్వ్యూలో, ఐశ్వర్య రాయ్ బచ్చన్- అభిషేక్ బచ్చన్ 'ప్రతిరోజూ' గొడవలు పడుతున్నట్లు ఒప్పుకున్నారు. ఐశ్వర్య 'వివాదం' అని చెప్పగా, అభిషేక్ ఆ గొడవను 'అసమ్మతి'గా అభివర్ణించారు. దీనికి సంబంధించి ఐశ్వర్య మాట్లాడుతూ, 'రోజూ యుద్ధాలు జరుగుతూనే ఉంటాయి. ఆ తర్వాత అభిషేక్ వేగంగా మాట్లాడి.. ఇది గొడవ కాదని, ఏదో ఒక విషయంలో అసమ్మతి అని స్పష్టం చేశాడు.భార్యాభర్తల మధ్య చిన్నచిన్న తగాదాలు లేకపోతే జీవితం పూర్తిగా బోరింగ్ అవుతుంది. కనుక అలాంటివి మామూలే అని అభిషేక్ అన్నారు. ఐతే ఇప్పుడు మరోసారి ఐష్-అభిషేక్ విడాకులు తీసుకుంటున్నారంటూ చర్చ నడుస్తోంది. ఇందులో నిజం ఎంత వున్నదో తెలియాల్సి వుంది.
