సంబంధిత వార్తలు
- మెగాస్టార్ చిన్నల్లుడు కళ్యాణ్ దేవ్.. సెల్ఫ్ క్వారంటైన్.. ఎందుకంటే?
- 'ఆచార్య' గురించి అదిరిపోయే న్యూస్ లీక్ చేసిన దర్శకుడు
- ఈ కరోనా టైంలో సీసీసీ వల్లనే కడుపునిండా తినగలుగుతున్నాం అంటున్నారు - బెనర్జీ
- వయస్సు పెరుగుతున్న కొద్దీ అందంగా మారుతున్న హీరోయిన్
- చిరంజీవి 'లూసిఫర్' చిత్రంలో అలనాటి హీరోయిన్ కీలక పాత్ర?
చిరు మూవీలో విజయ్ దేవరకొండ..?
మెగాస్టార్ చిరంజీవి ఖైదీ నెంబర్ 150 తర్వాత స్పీడు పెంచి వరుసగా సినిమాలు చేస్తున్నారు. స్టైలీష్ డైరెక్టర్ సురేందర్ రెడ్డి డైరెక్షన్లో పాన్ ఇండియా మూవీగా సైరా నరసింహారెడ్డి సినిమా చేసారు. ఈ సినిమా తర్వాత ఆచార్య చేస్తున్నారు. బ్లాక్బష్టర్ డైరెక్టర్ కొరటాల శివ దర్శకత్వంలో రూపొందుతోన్న ఈ సినిమాని మ్యాట్నీ ఎంటర్ టైన్మెంట్స్ సంస్థతో కలిసి కొణిదెల ప్రొడక్షన్ కంపెనీ బ్యానర్ పైన మెగా పవర్ స్టార్ రామ్ చరణ్ నిర్మిస్తున్నారు.
ఇందులో రామ్ చరణ్ కీలక పాత్ర పోషిస్తున్న విషయం తెలిసిందే. ఈ సినిమా తర్వాత లూసీఫర్ రీమేక్లో నటించేందుకు చిరు ఓకే చెప్పారు. మలయాళంలో విజయం సాధించిన లూసీఫర్ రీమేక్ హక్కులను రామ్ చరణ్ దక్కించుకున్న విషయం తెలిసిందే. ఈ సినిమాలో చిరంజీవి సిస్టర్ క్యారెక్టర్ కోసం సుహాసిని, ఖుష్బూలను పరిశీలిస్తున్నట్టు వార్తలు వచ్చాయి. అయితే.. ఇంకా ఎవర్నీ ఖరారు చేయలేదు.
ఇదిలావుంటే.. ఇప్పుడు ఈ సినిమాలో సెన్సేషనల్ హీరో విజయ్ దేవరకొండ నటించనున్నట్టు టాలీవుడ్లో టాక్ వినిపిస్తుంది. లూసిఫర్ మూవీలో పృథ్వీరాజ్ సుకుమారన్ ఓ కీలక పాత్ర చేసారు. ఆ పాత్ర కోసం చిత్రయూనిట్ విజయ్ దేవరకొండను సంప్రదించినట్లుగా తెలిసింది. చిరు మూవీలో విజయ్ దేవరకొండ జరిగితే.. ఈ ప్రాజెక్ట్కి మరింత క్రేజ్ రావడం ఖాయం.
