సంధ్య థియేటర్ నుంచి బయటికి అల్లు అర్జున్.. సీసీ టీవీ దృశ్యాలు వైరల్ (video)
పుష్ప-2 రిలీజ్ తర్వాత అల్లు అర్జున్‌కు పాపులారిటీ బాగా పెరిగిపోతుందనుకుంటే.. అది జరగలేదు. ప్రస్తుతం అల్లు అర్జున్‌పై నిందలు ఆరోపణలు, విమర్శలు ఎక్కువైపోయాయి. ఆర్టీసీ క్రాస్ రోడ్డు వద్ద వున్న సంధ్య థియేటర్‌లో పుష్ప-2 సినిమా విడుదల సందర్భంగా తొక్కిసలాట జరిగింది.
ఈ ఘటనలో ఓ మహిళ ప్రాణాలు కోల్పోయింది. ఆమె కుమారుడు ప్రాణాలతో కొట్టుమిట్టాడుతున్నాడు. ఈ వ్యవహారంలో అల్లు అర్జున్ అరెస్టయి.. బెయిల్‌పై విడుదల అయ్యాడు. ఇక ఈ విషయంపై తెలంగాణ అసెంబ్లీలోనూ రచ్చ రచ్చ జరిగింది.
ఈ తొక్కిసలాటకు అల్లు అర్జునే కారణమని విమర్శలు వెల్లువెత్తుతున్నాయి. అయితే థియేటర్ వద్ద ఆ సంఘటన జరిగిన సమయంలో సినిమా హాల్ నుంచి అల్లు అర్జున్‌ను బయటకు తీసుకురావడానికి పోలీసులు ప్రయత్నించారు. ఇందుకు సంబంధించిన వీడియోలు బయటకు వచ్చాయి.
