మ‌ద్యం సేవిస్తూ వంట చేసే ఆమని
వంట‌గ‌దిలో చుట్టూ వంట సామానులు, ప‌క్క‌న పొయ్యి, దానిపై ఏదో వంట చేస్తుంది ఆమని. ఆ ప‌క్క‌ని క్వాట‌ర్ బాటిల్ మ‌ద్యం సీసా వుంది. దానిలోంచి స్టీల్‌గ్లాసులో పోసుకుని తాగుతూ, మ‌రో చేతితో గ‌రిట తిప్పుతుంది. ఇలా చేయ‌డం ఆమని ప్ర‌త్యేక‌త. మ‌రి ఎందుకు అలా చేస్తుందో తెలియాలంటే చావు కబురు చల్లగా’ సినిమా వ‌చ్చేవ‌ర‌కు ఆగాల్సిందే అంటున్నారు ద‌ర్శ‌క నిర్మాత‌లు. ఈ సినిమాలో ఆమె ఓ పాత్ర పోషించింది. దానికి సంబంధించిన స్టిల్‌ను శ‌నివారంనాడు విడుదల చేశారు. 1990ల్లో మావిచిగురు, శుభలగ్నం లాంటి హోమ్లీ కారెక్టర్స్‌తో అలరించిన ఆమని, `చావు కబురు చల్లగా` సినిమాలో వైవిధ్యమైన పాత్రతో మెప్పించడానికి ప్రేక్షకుల ముందుకొస్తున్నారు. ఒక చేతిలో మద్యంతాగుతూ మ‌రో చేత్తో వంట చేస్తూ విడుదలైన ఈమె ఫస్ట్ లుక్‌కు విశేషమైన స్పందన వస్తుంది.
ఇందులో సీనియర్ నటీనటులు అంతా చక్కగా నటించారు.. ఈ చిత్రాన్ని మార్చి 19న భారీ స్థాయిలో విడుదల చేయ‌డానికి నిర్మాత బ‌న్నీ వాసు స‌న్నాహాలు చేస్తున్నారు. ఈ సినిమా పాట‌ల‌ను ప్ర‌ముఖ ఆడియో కంపెనీ ఆదిత్య మ్యూజిక్ వాళ్లు విడుదల చేస్తున్నారు. కార్తికేయ, లావణ్య త్రిపాఠి జంట‌గా నూత‌న ద‌ర్శ‌కుడు కౌశిక్ పెగ‌ళ్ల‌పాటి తెర‌కెక్కిస్తున్న చిత్ర‌మిది. ఇప్పటికే విడుదలైన పాటలు, ట్రైలర్‌కు మంచి రెస్పాన్స్ వస్తుంది. అదిరిపోయే కామెడీ సీన్స్. ఎమోషన్., మంచి కథతో అన్ని కమర్షియల్ హంగులు అద్దుకున్న ట్రైలర్ యూ ట్యూబ్‌లో ట్రెండింగ్‌లో కొనసాగుతుంది. 'బ‌స్తి బాల‌రాజు'గా హీరో కార్తికేయ అదిరిపోయే పర్ఫార్మెన్స్ ఇచ్చాడు. ఈయన ఫస్ట్ లుక్, ఇంట్రోతో పాటు క్యారెక్ట‌ర్ వీడియోకు కూడా అద్భుతమైన స్పందన వచ్చింది. హీరోయిన్ లావణ్య త్రిపాఠి ఫస్ట్ లుక్ కి, టీజ‌ర్ గ్లిమ్ప్స్ కి కూడా మంచి అప్లాజ్ వచ్చింది. మెగా ప్రొడ్యూస‌ర్ అల్లు అర‌వింద్ చిత్ర స‌మ‌ర్ప‌కులు.
