టీవీ నటి రూపాలీ గంగూలీ కొత్త రికార్డ్.. ఏంటదో తెలుసా?
టీవీ నటి రూపాలీ గంగూలీ కొత్త రికార్టును తన ఖాతాలో వేసుకుంది. ఆమె నటిస్తున్న ‘అనుపమ’ టీవీ డ్రామా సిరీస్ ప్రస్తుతం ట్రెండింగ్‌లో ఉంది.
ఈ షో టీఆర్పీ రేటింగ్ ఏకంగా 4 మార్కుకు దగ్గరలో ఉంది. ఈ షోలో నటిస్తున్న అందరికీ ఈ క్రెడిట్ దక్కుతుందని, ముఖ్యంగా రూపాలీ గంగూలీదే ఆ ఘనత అని చెప్పుకుంటున్నారు.
‘అనుపమ’ ఇప్పుడు దేశంలోని పల్లెపల్లెను తాకింది. ఈ షోకు ఎంతోమంది అభిమానులు ఉన్నారు. దీనికి పాప్యులారిటీ రావడం వెనకున్న రూపా గంగూలీ పారితోషికంపై చర్చ మొదలైంది.
‘బాలీవుడ్ లైఫ్’ ప్రకారం.. రూపాలీ గంగూలీ మొదట్లో రోజుకు లక్షన్నర రూపాయలు పారితోషికంగా తీసుకునేవారు. అప్పట్లో అదే అత్యధికమైనా ఆమె సీనియర్ నటిగానే ఉండిపోయారు.
ప్రస్తుతం "అనుపమ"గా ఆమె రేంజ్ ఓ స్థాయికి చేరుకోవడంతో ఇప్పుడు రోజుకు 3 లక్షల రూపాయలు డిమాండ్ చేస్తున్నారట.
ఫలితంగా భారత టెలివిజన్ రంగంలో అత్యధిక పారితోషికం అందుకుంటున్న నటిగా ఆమె రికార్డులకెక్కారు. 44 ఏళ్ల ఈ నటి కొన్ని నెలల క్రితమే తన పారితోషికాన్ని పెంచినట్టు ఇండస్ట్రీ టాక్.
