మన వాళ్లు టాలెంట్ చూపించాలనే డ్యాన్స్ ఐకాన్ 2 - వైల్డ్ ఫైర్ చేస్తున్నాం : హోస్ట్ ఓంకార్
Omkar, Prakriti, Manas, Yash
డ్యాన్స్ లవర్స్ ను మెస్మరైజ్ చేసిన డ్యాన్స్ ఐకాన్ సీజన్ 1కు కొనసాగింపుగా "డ్యాన్స్ ఐకాన్ సీజన్ 2 వైల్డ్ ఫైర్" ఈనెల 14వ తేదీ నుంచి ఆహా ఓటీటీలో ప్రీమియర్ కు రెడీ అవుతోంది. ఈ షో కు ఓంకార్, హీరోయిన్ ఫరియా అబ్దుల్లా, శేఖర్ మాస్టర్ హోస్ట్ లు గా వ్యవహరిస్తున్నారు. డ్యాన్స్ ఐకాన్ 2 వైల్డ్ ఫైర్ కార్యక్రమంలో దేశవ్యాప్తంగా కంటెస్టెంట్స్ పాల్గొంటున్నారు. హిప్ హాప్, క్లాసికల్, కాంటెంపరరీ స్టైల్స్ లో డ్యాన్స్ పర్ ఫార్మెన్స్ ఆకట్టుకోనున్నాయి.
పంచభూతాల్లాంటి ఐదుగురు కంటెస్టెంట్స్ తమ పర్ ఫార్మెన్స్ లతో మెస్మరైజ్ చేయబోతున్నారు. ఈ రోజు మీడియా మిత్రులకు "డ్యాన్స్ ఐకాన్ 2 - వైల్డ్ ఫైర్" 20 నిమిషాల సీక్రెట్ స్క్రీనింగ్ చేశారు. సాధారణంగా మూవీస్ కు ప్రివ్యూ, ప్రీమియర్స్ వేస్తుంటారు. అలాంటిది ఫస్ట్ టైమ్ ఒక డ్యాన్స్ రియాల్టీ షోకు సీక్రెట్ స్క్రీనింగ్ చేసి ట్రెండ్ క్రియేట్ చేసింది ఆహా ఓటీటీ. సీక్రెట్ స్క్రీనింగ్ అనంతరం ప్రెస్ మీట్ నిర్వహించారు. ఈ కార్యక్రమంలో
హోస్ట్ ఓంకార్ మాట్లాడుతూ - "డ్యాన్స్ ఐకాన్ 2 - వైల్డ్ ఫైర్" సీక్రెట్ స్క్రీనింగ్ ద్వారా షో ఎలా ఉండబోతుంది అనేది మీ అందరికీ తెలిసి ఉంటుంది. సాధారణంగా తెలుగు నుంచి కంటెస్టెంట్స్ ను సెలెక్ట్ చేస్తుంటాం. కానీ ఈసారి దేశవ్యాప్తంగా కంటెస్టెంట్స్ ఆడిషన్ చేసి అందులో నుంచి పంచభూతాల్లాంటి ఐదుగురు వండర్ ఫుల్ కంటెస్టెంట్స్ ను తీసుకున్నాం. వారికి పోటీ ఇచ్చే సత్తా ఉన్న తెలుగు కంటెస్టెంట్స్ ను ఇప్పుడు సెలెక్ట్ చేయబోతున్నాం. "డ్యాన్స్ ఐకాన్ 1" విన్నర్ మన తెలుగు వాళ్లే. మరింత టఫ్ కాంపిటేషన్ లో మన వాళ్లు టాలెంట్ చూపించాలనే ఇలా చేస్తున్నాం. మీరు చేసిన 60 సెకన్ల డ్యాన్స్ వీడియో మాకు పంపిస్తే అది చూసి ఎంట్రీలను తీసుకుంటాం. మూడు నెలల పాటు "డ్యాన్స్ ఐకాన్ 2 - వైల్డ్ ఫైర్" షోను ప్రేక్షకులను ఎంజాయ్ చేయబోతున్నారు. ఎవ్రీ సెకండ్ వీక్ ఒక్కొక్కరు ఎలిమినేట్ అవుతుంటారు. కంటెస్టెంట్స్ తో పాటు మెంటార్స్ కూడా ఎలిమినేట్ అవుతారు. అలాగే వైల్డ్ కార్డ్ ఎంట్రీస్ ఉంటాయి. వారు ఎవరు అనేది సస్పెన్స్ క్రియేట్ చేస్తుంది. ప్రతి శుక్రవారం 7 గంటలకు షో స్టార్ట్ అవుతుంది. షో కంప్లీట్ అయ్యాక ప్రేక్షకుల నుంచి పోల్ నిర్వహిస్తాం. 100 పాయింట్స్ లోపు ప్రేక్షకులు తమకు నచ్చినన్ని పాయింట్స్ ఇవ్వొచ్చు. ఆదివారం వరకు ఈ ఓటింగ్ కొనసాగుతుంది. ఆహా నుంచి నాకు ఓటింగ్ డీటెయిల్స్ పంపిస్తారు. నేను గతంలో ఆట, ఆట జూనియర్స్ వంటి డ్యాన్స్ షోస్ చేశాను. "డ్యాన్స్ ఐకాన్ 2 - వైల్డ్ ఫైర్" ఇప్పటిదాకా వచ్చిన డ్యాన్స్ షోస్ అన్నింటిలో కొత్తగా ఉంటుంది. ప్రేక్షకులకు ఒక రియల్ ఫీల్ ఇవ్వాలనే స్క్రిప్టెడ్ గా చేయకుండా రియాల్టీ షో చేస్తున్నాం. శేఖర్ మాస్టర్, ఫరియా గారికి మాత్రం ఎలిమినేషన్ ఉండదు. శేఖర్ మాస్టర్ రీసెంట్ గా యూఎస్ వెళ్లి వచ్చారు. నెక్ట్ ప్రెస్ మీట్ లో తప్పకుండా పాల్గొంటారు. మీరంతా మా "డ్యాన్స్ ఐకాన్ 2 - వైల్డ్ ఫైర్" షోను బాగా ప్రమోట్ చేయాలని కోరుకుంటున్నాం. అన్నారు.
మెంటార్ మానస్ మాట్లాడుతూ - "డ్యాన్స్ ఐకాన్ 2 - వైల్డ్ ఫైర్" షోలో మెంటార్ గా చేస్తుండటం హ్యాపీగా ఉంది. ఒక మెంటార్ గా నా కంటెస్టెంట్ ను కాపాడుకునేందుకు ప్రయత్నిస్తా. నా ద్వారా నా కంటెస్టెంట్ ను ప్రేక్షకుల దగ్గరకు తీసుకెళ్తాను. ఓంకార్ గారు ఈ షోను అద్భుతంగా డిజైన్ చేశారు. ఇలాంటి కాన్సెప్ట్ ఇప్పటిదాకా రాలేదు. ఆ క్రెడిట్ ఓంకార్ గారికే ఇవ్వాలి. అన్ని ఎమోషన్స్ ఈ షోలో చూస్తారు. నేను డ్యాన్స్ మాస్టర్ ను కాదు. అయితే డ్యాన్స్ ఎలా ఉండాలి అనేది ఐడియా ఉంది. జడ్జ్ చేయగలను. మేము ఏం కావాలో చెబితే అది సెకన్స్ లో అరేంజ్ చేయగల మంచి టీమ్ ఈ షోకు ఉంది. నేను మంచి డ్యాన్స్ పర్ ఫార్మెన్స్ ను ఎంజాయ్ చేస్తా. ఇండియాలో ఇప్పుడు డ్యాన్సుల్లో బెస్ట్ టాలెంట్ ఎవరున్నారో వారిని పిక్ చేసుకుని ఈ షోకు తీసుకున్నాం. ఎవరు బాగా డ్యాన్స్ చేస్తే వాళ్లే తప్పకుండా గెలుస్తారు. పంచభూతాల్లాంటి ఐదుగురు కంటెస్టెంట్స్ లో ఎవరూ ఎవరికి తీసిపోరు. అన్నారు.
మెంటార్ యష్ మాస్టర్ మాట్లాడుతూ - "డ్యాన్స్ ఐకాన్ 2 - వైల్డ్ ఫైర్" వంటి డ్యాన్స్ షో తెలుగులోనే కాదు ఇంకెక్కడా రాలేదు. అలాంటి యూనిక్ కాన్సెప్ట్ తో ఈ షో వస్తోంది. నేను రియాల్టీ షోస్ నుంచే వచ్చాను. అయితే ఈ మధ్య రియాల్టీ షోస్ మిస్ అవుతున్నాను. ఓంకార్ గారు ఈ షో గురించి చెప్పగానే వెంటనే ఓకే అన్నాను. డ్యాన్స్ షోస్ లో విన్ అవడం నాకు కొత్త కాదు. "డ్యాన్స్ ఐకాన్ 2 - వైల్డ్ ఫైర్" లోనూ గెలుస్తామని కాన్ఫిడెంట్ గా ఉన్నాను. నా కంటెస్టెంట్ ను గెలిపించుకునేందుకు గట్టిగా ట్రై చేస్తా. నేను పర్ ఫార్మ్ చేయాల్సివచ్చినా చేస్తాను. మీరు ఇప్పుడు స్క్రీనింగ్ లో కంటెస్టెంట్స్ ఎలా పర్ ఫార్మ్ చేశారో చూశారు. మా పర్ ఫార్మెన్స్ బాగుండి ఆడియెన్స్ ఓటింగ్ చేస్తేనే నా కంటెస్టెంట్ తో పాటు మెంటార్ గా నేనూ ఉంటాను. లేకపోతే ఎలిమినేట్ కావాల్సిందే. పర్ ఫార్మెన్స్ పరంగా, క్వాలిటీ పరంగా "డ్యాన్స్ ఐకాన్ 2 - వైల్డ్ ఫైర్" ది బెస్ట్ డ్యాన్స్ రియాల్టీ షో గా పేరు తెచ్చుకుంటుంది. అన్నారు.
మెంటార్ ప్రకృతి మాట్లాడుతూ - "డ్యాన్స్ ఐకాన్ 1" ఒక ఆడియెన్ గా చూశాను. షోకు బాగా కనెక్ట్ అయ్యాను. ఇప్పుడు "డ్యాన్స్ ఐకాన్ 2 - వైల్డ్ ఫైర్" లో మెంటార్ గా రావడం చాలా హ్యాపీగా ఉంది. ఈ అవకాశం ఇచ్చిన ఓంకార్ గారికి థ్యాంక్స్. ఇదొక యూనిక్ డ్యాన్స్ షో. కంటెస్టెంట్స్ పర్ ఫార్మెన్స్ లతో పాటు షోలోని ప్రతి మూవ్ మెంట్ మీరంతా ఎంజాయ్ చేస్తారు. మానస్, యష్ చెప్పినట్లు నా కంటెస్టెంట్ ను గెలిపించుకోవడానికి నా బెస్ట్ ఎఫర్ట్స్ ఇస్తాను. ఇప్పుడున్న కంటెస్టెంట్స్ అందరూ సూపర్బ్ గా పర్ ఫార్మ్ చేస్తున్నారు. వాళ్ల థీమ్స్ వేరే ఉండొచ్చు గానీ గ్రేట్ పర్ ఫార్మెన్స్ ఇస్తున్నారు. మెంటార్ గా అవసరం వచ్చినప్పుడు నాకు అనిపించిన సజెషన్స్ తప్పకుండా చెబుతాను. అన్నారు.
