తన ప్రొడక్షన్ హౌస్ లో భగీరధ చిత్రం చేయనున్న దర్శకుడు ప్రశాంత్ నీల్ !
ఒక్కసారిగా కెజి.ఎఫ్. సినిమాతో వెలుగులోకి వచ్చిన దర్శకుడు ప్రశాంత్ నీల్ తన పుట్టినరోజు నేడు జరుపుకుున్నారు. ్రస్కిప్ట్ వర్క్ లో వున్నా బిజీగా వున్నానని తెలియజేసేలా టూల్ బాక్స్ పట్టుకున్న ఫొటోను షేర్ చేశారు. తను చేసినవి తక్కువ సినిమాలైనా కమర్షియల్ దర్శకుడిగా పేరు పొందారు. ఆయనకు సినీ ప్రముఖులు బ్లాక్ బస్టర్ పుట్టినరోజు శుభాకాంక్షలు అంటూ తెలియజేస్తున్నారు.
పురాణ కథలను సాహసాలతో మిళితం చేసి బ్లాక్ బస్టర్ లు కొట్టే దర్శకుడిగా ప్రశాంత్ ను కొనియాడుతున్నారు. ఎన్.టి.ఆర్.తో సినిమా చేస్తున్న నీల్ కు ఎన్.టి.ఆర్.తోపాటు మైత్రీ మూవీస్ నిర్మాణ సంస్థ శుభాకాంక్షలు తెలియజేసింది.
తాజాగా సలార్ సీక్వెల్ లో నీల్ బిజీగావున్నారు. ఈ విషయాన్ని సోషల్ మీడియాలో తెలియజేశారు. దానికి శౌర్యంగ పర్వం అనే కాప్షన్ కూడా జోడించారు. ఇవికాకుండా భగీరథ అనే మూవీని కూడా చేయబోతున్నారు. ఈ సందర్భంగా తన ప్రొడక్షన్ హౌస్ లో ఈ మూవీ రూపొందనున్నట్లు తెలుస్తోంది.
