"వారసుడు" నుంచి రంజితమే ఫుల్ సాంగ్ రిలీజ్
విజయ్ హీరోగా నటించిన ద్విభాషా చిత్రం "వారసుడు". రష్మికా మందన్నా హీరోయిన్. వంశీ పైడిపల్లి దర్శకత్వం వహించగా, ప్రముఖ నిర్మాత దిల్ రాజు భారీ బడ్జెట్‌తో తెలుగు, తమిళం భాషల్లో నిర్మించారు. సంక్రాంతికి విడుదలకానున్న ఈ చిత్రం ప్రమోషన్ కార్యక్రమాల్లో భాగంగా, "రంజితమే" అనే పాటను తాజాగా రిలీజ్ చేశారు.
"బొండుమల్లె చెండూ తెచ్చా.. భోగాపురం సెంటూ తెచ్చా.. కళ్ళకేమో కాటుక తెచ్చా.. వడ్డాణం నీ నడుముకిచ్చా" అంటూ ఈ పాట నడక సాగుతుంది. థమన్ సంగీత స్వరాలు సమకూర్చగా, రామజోగయ్య శాస్త్రీ సాహిత్యాన్ని అందించారు. అనురాగ్ కులకర్ణి, మనసి ఆలపించారు. జానీ మాస్టారు నృత్యాలు సమకూర్చారు.
ఎంతో హుషారుగా సాగే ఈ పాటలో, విజయ డ్యాన్స్ ఆకట్టుకుంది. మరోమారు ఆయన తన ఎనర్జీ లెవెల్స్ చూపించిన పాట ఇది. గ్రాఫిక్స్‌లోనే అయినప్పటికీ కలర్‌ఫుల్ పూల నేపథ్యంలో కంటికి ఎందో అందంగా కనిపించేలా ఈ పాటను చిత్రీకరించారు. జనవరి 12వ తేదీన ప్రపంచ వ్యాప్తంగా థియేటర్లలో విడుదల చేయనున్నారు.
