శుక్రవారం, 21 జూన్ 2024
  1. వినోదం
  2. తెలుగు సినిమా
  3. కథనాలు
Written By ఐవీఆర్
Last Modified: శనివారం, 23 నవంబరు 2019 (16:07 IST)

తమిళనాడు 'తలైవి'గా కంగనా రనౌత్ ఫస్ట్ లుక్ అదుర్స్(video)

తమిళనాడు దివంగత ముఖ్యమంత్రి జయలలిత జీవితాన్ని ఆధారం చేసుకుని తెరకెక్కుతున్న తలైవి ఫస్ట్ లుక్ ఈ రోజు విడుదలైంది. ఈ ఫస్ట్ లుక్‌లో జయలలితగా నటిస్తున్న కంగనా రనౌత్ అచ్చుగుద్దినట్లు జయలలితను తీసిపెట్టేశారు. కంగనా కటౌట్ అచ్చుగుద్దినట్లు అమ్మ జయలలితలా వుందంటూ తమిళ ప్రజలు అంటున్నారంటే కంగనా ఆ పాత్రలో ఎంత ఒదిగిపోయిందో అర్థం చేసుకోవచ్చు.

కాగా ఈ చిత్రాన్ని తెలుగు నిర్మాత విష్ణు ఇందూరి రూపొందిస్తుండగా, ఎ.ఎల్‌.విజ‌య్ ద‌ర్శ‌క‌త్వం వహిస్తున్నారు. ఈ చిత్రాన్ని తెలుగు, త‌మిళ‌, హిందీ బాష‌ల్లో ప్రతిష్టాత్మ‌కంగా రూపొందిస్తున్నారు. లెజెండరీ త‌మిళ‌నాడు దివంగ‌త రాజ‌కీయ నాయ‌కుడు ఎం.జి.రామ‌చంద్ర‌న్(ఎంజీఆర్‌) పాత్ర‌లో ప్ర‌ముఖ న‌టుడు అర‌వింద‌స్వామి పోషిస్తున్నారు. ఈ చిత్రం 2020 జూన్ 26న విడుదల చేయనున్నారు.

 
కంగనా అచ్చం అమ్మ జయలలితలా కనబడటానికి కారణం హాలీవుడ్ చిత్రాల్లో వ‌ర్క్ చేసిన ప్ర‌ముఖ హాలీవుడ్ మేక‌ప్ ఆర్టిస్టే. ఐతే జయలలిత పాత్రలో ఒదిగిపోయేందుకు కంగనా ప్రత్యేకంగా శిక్షణ తీసుకుంటున్నారు.