మోహన్ లాల్ 'లూసిఫెర్'... 4 రోజులలో 50 కోట్లు
మొదటి నుంచి కూడా వైవిధ్యభరితమైన కథా చిత్రాలతోనే ముందుకు సాగుతున్న మలయాళ సూపర్ స్టార్ మోహన్ లాల్. తన హవాని ఏ మాత్రం తగ్గనివ్వకుండా అలాగే కొనసాగిస్తూ వస్తున్నారు. ఈ నేపథ్యంలో ఆయన ఇటీవల నటించిన మలయాళ చిత్రం 'లూసిఫెర్' గత నెల 28వ తేదీన విడుదలైంది.
ఈ సినిమా విడుదలైన తొలి 4 రోజుల్లోనే 50 కోట్ల రూపాయల గ్రాస్‌ను వసూలు చేయడం విశేషం. మలయాళంలో చాలా తక్కువ సమయంలో ఈ స్థాయి వసూళ్లను సాధించిన తొలి చిత్రంగా ఇది కొత్త రికార్డును నెలకొల్పింది.
నూతన దర్శకుడు... పృథ్వీరాజ్ సుకుమారన్ దర్శకుడిగా పరిచయమవుతూ తెరకెక్కించిన ఈ సినిమా వసూళ్లపరంగా తన జోరును కొనసాగిస్తూనే వుంది. ఇందులో వివేక్ ఒబెరాయ్, మంజు వారియర్ ఇతర ముఖ్య పాత్రలను పోషించారు. మోహన్ లాల్ నుంచి ఇంతకుముందు వచ్చిన 'ఒడియన్'.. పరాజయం కావడంతో డీలాపడిన ఆయన అభిమానులు, 'లూసిఫెర్' సక్సెస్‌తో సంబరాలు చేసుకుంటున్నారు.
