కాబోయే వధూవరులకు ముందుగానే దండలు మార్పించిన మోహన్ బాబు

Mohan Babu garlands bride and groom, Ashish, Advaita

తెలుగు సినిమా రంగంలో మంచు మోహన్ బాబు ది విలక్షణమైన శైలి. సాయిబాబా, వెంకటేశ్వర స్వామి భక్తుడైన ఆయన నిత్యం పూజగదిలో గంటసేపుపైగా వుంటారు. సరిగ్గా అటువంటి సమయంలో దిల్ రాజు కుటుంబీకులు మోహన్ బాబు ఇంటికి వెళ్ళారు. దిల్ రాజు తమ్ముడు లక్మణ్ కొడుకు ఆశిష్, అద్వైత రెడ్డిని వివాహం చేసుకోబోతున్నారు. ఈ సందర్భంగా వివాహానికి హాజరు కావాలని పలువురు సినీ పెద్దలు, ముఖ్యమంత్రిని, రాజకీయ నాయకులను దిల్ రాజు కలిసి ప్రత్యేకంగా ఆహ్వానించారు.

Dil raju family with mohanbabu

ఈరోజు మోహన్ బాబు ఇంటికి వెళ్ళి స్వయంగా బిడ్డలపై ఆశీస్సలు కోరారు. ఆహ్వాన పత్రిక అందుకున్న మోహన్ బాబు, వారి వివాహ సమయానికి తాను ఇండియాలో ఉండబోవడంలేదని, మంచు విష్ణు సినిమా కన్నప్ప షూటింగ్ నిమిత్తం న్యూజిలాండ్ లో వుంటానని చెప్పారు. ఆ వెంటనే నూతన వధూవరులకు తన పూజా మందిరం వద్ద దండలు మార్పించి తన ఆశీస్సులు అందించారు మోహన్ బాబు. దానితో దిల్ రాజు కుటుంబీకలు సంతోషించి క్లాప్స్ కొట్టారు. కాగా, ఫిబ్రవరి 14న ఆశిష్, అద్వైత ల వివాహం జైపూర్ లో గ్రాండ్ గా జరుగనున్నది.