"నేనే మొదలు పెట్టాను .. నేనే పూర్తి చేస్తాను" ఐరా ట్రైలర్ (Video)
తమిళనాట నయనతార చేసిన సస్పెన్స్‌తో కూడిన హారర్ థ్రిల్లర్ సినిమాలు అక్కడ భారీ విజయాలను సాధిస్తూ ఉంటాయి. అయితే... ఆ సినిమాలు తెలుగు ప్రేక్షకులను సైతం ఎంతగానో ఆకట్టుకున్నాయి. అలా మరో హారర్ థ్రిల్లర్ సినిమాతో అటు తమిళ ప్రేక్షకులను... ఇటు తెలుగు ఆడియన్స్‌ను పలకరించడానికి నయనతార సిద్ధమైంది. ఆమె ప్రధాన పాత్రధారిగా చేసిన ఆ సినిమానే 'ఐరా'.
తాజాగా ఈ సినిమాకి సంబంధించి ఒక ట్రైలర్‌ని విడుదల చేసారు. దెయ్యాలు ఉన్నాయని నమ్మించడానికి ప్రయత్నించిన నయనతార .. ఎలాంటి ఇబ్బందుల్లో పడిందనే కథాంశంతో ఈ కథ కొనసాగుతుందని ఈ ట్రైలర్‌ను బట్టి తెలుస్తోంది.
"ఈ లోకంలో ఎవరూ ఇవ్వని సంతోషాన్ని నువ్వు నాకు ఇచ్చావు అభీ.. దానిని దూరం చేసిన ఎవరినీ నేను ప్రాణాలతో వదలను".. "నేనే మొదలు పెట్టాను .. నేనే పూర్తి చేస్తాను" వంటి డైలాగ్స్ సినిమాపై ఉత్కంఠతను పెంచుతున్నాయి. నయనతార ద్విపాత్రాభినయం చేసిన ఈ సినిమా తమిళంతోపాటు తెలుగులోనూ ఈ నెల 28వ తేదీన విడుదల కానుంది. ద్విభాషాచిత్రంగా విడుదల అవుతున్న ఈ సినిమా ఏ మేరకు విజయం సాధిస్తుందో చూద్దాం మరి..
