శివం భజే తో దర్శకుడుగా అప్సర్‌పై ప్రశంసలు
మిలిటరీ నుంచి సినిమా దర్శకుడిగా పరిచయం అయిన వ్యక్తి అప్సర్. సోల్జర్ గా తన అనుభవాలతో గంధర్వ చిత్రాన్ని తీసి పర్వాలేదు అనిపించిన అప్సర్ తాజాగా శివం భజే సినిమా తీశారు. ఈ సినిమా మంచి టాక్ రావడంతో దర్శకుడిగా అందరినీ ఆకట్టుకున్నాడు. కథ కథనంతో పాటు అశ్విన్ బాబు నటించిన విధానం, సాంకేతిక తో శివం భజేతో మైమరిపించాడు. ఆగస్ట్ 1న విడుదలైన ఈ చిత్రానికి అంతటా పాజిటివ్ రెస్పాన్స్ వచ్చింది.
అశ్విన్ బాబు గత చిత్రం హిడింబ విజయం సాధించడంతో ఈ సినిమాపై అంచనాలు భారీగా నెలకొన్న సంగతి తెలిసిందే. శివం భజే చిత్రాన్ని ఒక యూనిక్, డివోషనల్, సస్పెన్స్ థ్రిల్లర్‌గా తెరకెక్కించారు. మాస్‌ను మెప్పించే యాక్షన్, సస్పెన్స్, థ్రిల్లర్ ఇలా అన్ని జానర్లను మిక్స్ చేసి తీసిన ఈ సినిమాకు ఫుల్ పాజిటివ్ స్పందన వస్తోంది.
అప్సర్ దర్శకత్వం, మేకింగ్, ఎంటర్టైన్, ఎంగేజ్ చేయడంలో అప్సర్ పాస్ అయ్యాడని ప్రశంసిస్తున్నారు. ఈ సినిమాతో అప్సర్ కాంప్లెక్స్ సబ్జెక్ట్‌లను కూడా ఎంతో సులభంగా, తన టాలెంట్‌తో తీయగలడని నిరూపించుకున్నారు. అతని రైటింగ, మేకింగ్, టేకింగ్ గురించి అందరూ మాట్లాడుకుంటున్నారు. ఈ చిత్రాన్ని మహేశ్వర్ రెడ్డి నిర్మించగా, మైత్రీ మూవీ మేకర్స్ విడుదల చేసింది.
