రేణూ దేశాయ్ అలా చేసివుంటే.. పవన్ జైలుకు వెళ్లేవాడు..? (video)
పవర్ స్టార్ పవన్ కల్యాణ్ మాజీ భార్య రేణు దేశాయ్ చేసిన కామెంట్స్ ప్రస్తుతం నెట్టింట వైరల్ అవుతున్నాయి. సోషల్ మీడియాలో ఫొటోలు, వీడియోలు పోస్ట్ చేస్తూ అభిమానులు, ప్రేక్షకులకు టచ్‌లో వున్నారు. ఈ నేపథ్యంలో ఆమె తాజాగా షేర్ చేసిన ఓ వీడియో హాట్ టాపిక్‌గా మారింది.
2012లో పవన్ కల్యాణ్- రేణు విడాకులు తీసుకున్నారు. అప్పటి నుంచి ఇద్దరు పిల్లల బాధ్యతలు తీసుకుంటూ.. నటిగా, దర్శకురాలిగా సినీ కెరీర్ సాగిస్తున్నారు. ఈ మధ్య ఎక్కువగా ఆమె పవన్ కల్యాణ్ అభిమానులతో విపరీతమైన ట్రోలింగ్ ఎదుర్కుంటున్నారు. 11 ఏళ్లుగా నిందితురాలిగా చూస్తున్నారంటూ ఆమె ఆవేదన వ్యక్తం చేశారు.
తాజాగా ఇన్‌స్టాలో రేణు దేశాయ్ పోస్టు చేసిన వీడియోలో సోషల్ యాక్టివిస్ట్ కృష్ణ కుమారి ఓ ఛానెల్‌కు ఇచ్చిన ఇంటర్వ్యూ ఉంది. అందులో రేణు దేశాయ్ జీవితం గురించి ఆమె చెప్పుకొచ్చారు. భార్యాభర్తలు విడాకులు తీసుకుంటే అందరి దృష్టి ఆ మహిళపైనే ఉంటుంది తప్పా మగాడిని మాత్రం ఎవరు పట్టించుకోవడం లేదని చెప్పారు.
పవన్ కల్యాణ్ విషయంలో రేణు దేశాయ్ ఎన్నో కష్టాలు పడింది. ఎన్నో త్యాగాలు చేసింది. అలాంటి వ్యక్తిని వదులుకునే అవకాశమే రాకూడదు.
ఆరోజు తనకు కొడుకు పుట్టింది సహజీవనం వల్ల కాదు. పవన్ కల్యాణ్ నన్ను ఏదో ఒక చిన్న గుడిలో పెళ్లి చేసుకున్నారు అనే మాట చెప్పుంటే పవన్ కల్యాణ్‌కు జైలు శిక్ష పడేదని కృష్ణ కుమారి వెల్లడించారు. సోషల్ యాక్టివిస్ట్ కృష్ణ కుమారి మాట్లాడిన వీడియోను రేణు దేశాయ్ షేర్ చేస్తూ భావోద్వేగానికి గురైయ్యారు. ఈ పోస్టు ప్రస్తుతం నెట్టింట వైరల్ అవుతోంది.
