క్రిస్మస్‌కు వచ్చేస్తోన్న షకీలా..
దక్షిణాదిన శృంగార తారగా ప్రత్యేక గుర్తింపు సంపాదించుకుంది షకీలా జీవిత చరిత్ర ఆధారంగా తెరకెక్కిన చిత్రం షకీలా. రిచా చద్దా ఈ చిత్రంలో ప్రధాన పాత్ర పోషించింది. 2019లోనే విడుదల కావాల్సిన ఈ చిత్రం వాయిదా పడుతూ వస్తోంది. ఎట్టకేలకు ఈ సినిమా ప్రేక్షకుల ముందుకు రాబోతోంది. క్రిస్మస్ సందర్భంగా ఈ ఏడాది డిసెంబర్ 25న ఈ సినిమా విడుదల కాబోతున్నట్టు చిత్రబృందం ప్రకటించింది.
ఇంద్రజిత్ లంకేశ్ దర్శకత్వంలో తెరకెక్కిన ఈ చిత్రంలో పంకజ్ త్రిపాఠి, రాజీవ్ పిళ్లై తదితరులు కీలక పాత్రల్లో నటించారు. ఈ చిత్రాన్ని సామిస్ మ్యాజిక్- సినిమా మోషన్ పిక్చర్ ప్రొడక్షన్ సమర్పించి నిర్మించింది. యూఎఫ్ఓ పంపిణీ చేస్తుంది. ఇది క్రిస్మస్ విడుదలకు రెడీ అవుతోంది.
ఇకపోతే.. రిచా చద్దా షకీలా లుక్ రిలీజై వైరల్ అయ్యింది. తాజాగా లాంచ్ అయిన పోస్టర్ రిచాను ఆకర్షణీయమైన అవతారంలో ఆవిష్కరించింది. చీరలో ఉన్నా చేతిలో తుపాకీతో ఆమె సౌత్ సైరన్ పాత్రకు సరైన నటి అన్న భావన కలిగించింది. అయితే బాక్సాఫీస్ ఫలితం పోస్టర్ లుక్‌తో సాధ్యం కాదు. కానీ షకీలా జీవితంలో సౌత్ స్టార్ల పాత్రలు వర్కవుటైతే ఇక్కడ బాగా డబ్బు గుంజే వీలుంటుంది.
