శిల్పా చౌదరి కేసు: మరో హీరోను కూడా ముంచేసిందట, లబోదిబోమంటూ...
సూపర్‌ స్టార్‌ మహేశ్ బాబు సోదరి, యంగ్‌ హీరో సుధీర్ బాబు భార్య ప్రియదర్శిని.. శిల్పా చౌదరిపై ఫిర్యాదు చేసింది. ఈ నేపథ్యంలో శిల్పా చౌదరి చీటింగ్ కేసులో రోజురోజుకు కీలక విషయాలు బయట పడుతున్నాయి. తాజాగా మరో యువ హీరో కూడా శిల్ప చేతిలో మోసపోయినట్లు తెలుస్తోంది.
'సెహరి' సినిమాతో హీరోగా పరిచయమవబోతున్న హర్ష కనుమల్లి కూడా శిల్ప మాయమాటలు నమ్మి నట్టేట మునిగాడు. కిట్టి పార్టీ పేరుతో మాయ మాటలు చెప్పి శిల్ప తన దగ్గర 3 కోట్లు వసూలు చేసిందని, ఆ డబ్బు తిరిగి ఇవ్వకుండా ఇబ్బందులకు గురి చేస్తొందంటూ ఈ యంగ్‌ హీరో పోలీసులను ఆశ్రయించినట్టు సమాచారం.
పోలీసుల రిమాండ్‌లో ఉన్న శిల్ప దంపతులను ప్రస్తుతం విచారిస్తున్నారు. ఈ చీటింగ్ కేసులో మరిన్ని పేర్లు బయటకు వచ్చే అవకాశం ఉందని పోలీసులు అంటున్నారు.
