ఆస‌క్తిక‌ర టైటిల్‌తో సుధీర్‌బాబు కొత్త సినిమా
తెలుగు హీరోల‌లో సుధీర్ బాబు త‌న‌దైన శైలిలో ప‌య‌నిస్తున్నారు. హిట్ ప్లాప్‌ల‌తో సంబంధం లేకుండా కొన‌సాగుతున్న ఆయ‌న కెరీర్‌లో మ‌రో కొత్త ప్రాజెక్ట్ చేస్తున్నారు. ఈ సినిమాకు ఇంట్రెస్టింగ్ టైటిల్‌ను ఖ‌రారుచేశారు. “మామ మశ్చింద్రా” లే టైటిల్‌ను ఖ‌రారు చేసి సుధీర్ బాబు ఫస్ట్ లుక్‌ని రిలీజ్ చేశారు. సుధీర్‌బాబు పుట్టిన‌రోజు సంద‌ర్భంగా విడుద‌ల‌చేసిన ఈ పోస్ట‌ర్‌ను బ‌ట్టి ఆయ‌న పాప్‌సింగ‌ర్‌గా క‌నిపించ‌బోతున్నాడు.
సిక్స్‌ప్యాక్ బాడీతో పాటు యాక్ష‌న్ సీన్స్‌ను ప్రాధాన్య ఇచ్చే సుధీర్‌బాబు ఇటీవ‌లే శ్రీదేవి సోడా సెంటర్‌తో ఆక‌ట్టుకున్నాడు. ఇక ఇప్పుడు తాజాగా రాబోయే సినిమా యూత్‌ను టార్గెట్ చేసే చిత్రంగా క‌నిపిస్తుంది. ఇది రెండు భాష‌ల్లో రూపొంద‌బోతోంది. నటుడు, రచయిత హర్ష వర్ధన్ దర్శకత్వం వ‌హిస్తున్నాడు. చైతన్ భరద్వాజ్ సంగీతం అందిస్తుండగా శ్రీ వెంకటేశ్వర సినిమాస్ ఎల్ ఎల్ పి నిర్మిస్తోంది.
