నేడు సూపర్ స్టార్ కృష్ణ అంత్యక్రియలు
సూపర్ స్టార్ కృష్ణ అంత్యక్రియలు బుధవారం మధ్యాహ్నం జరుగనున్నాయి. ఇందుకోసం ఆయన పార్థివదేహాన్ని నానక్‌రామ్ గూడలోని ఆయన నివాసం విజయకృష్ణ నివాసం నుంచి పద్మాలయ స్టూడియోస్‌కు తరలించారు. అక్కడ అభిమానుల సందర్శనార్థం మధ్యాహ్నం 12 గంటలకు ఉంచుతారు. ఆ తర్వాత జూబ్లీహిల్స్‌లోని మహాప్రస్థానంలో హీరో కృష్ణ అంత్యక్రియలు నిర్వహించేలా ఏర్పాట్లుచేశారు.
కాగా, సోమవారం ఉదయం కార్డికాక్ అరెస్టు కావడంతో హీరో కృష్ణను ఆయన కుటుంబ సభ్యులు హుటాహుటిన గచ్చిబౌలిలోని కాంటినెంటల్ ఆస్పత్రికి తరలించగా, మంగళవారం వేకువజామున ఆయన కన్నుమూశారు. కృష్ణ మృతితో తెలుగు చిత్రపరిశ్రమ దిగ్భ్రాంతికి లోనైంది. కృష్ణను చివరి చూపు చేసేందుకు సినీ తారాలోకం తరలివచ్చింది. అలాగే, తమ అభిమాన హీరోను కడసారి చూసేందుకు భారీ సంఖ్యలో తరలివస్తున్నారు. దీంతో అభిమానుల సందర్శనార్థం పద్మాలయ స్టూడియోస్‌లో ఉంచారు.
