#OneWordReview : తీవ్ర నిరాశపరిచిన #Adipurush : తరుణ్ ఆదర్శ్
భారీ అంచనాల మధ్య శుక్రవారం ప్రపంచ వ్యాప్తంగా విడుదలైన భారీ బడ్జెట్ మావీ ఆదిపురుష్. ప్రభాస్, కృతి సనన్‌లు జంటగా నటించగా, బాలీవుడ్ దర్శకుడు ఓం రౌత్ తెరకెక్కించారు. అయితే, ఈ చిత్రం విడుదలైన మొదటి ఆట నుంచి పూర్తిగా నెగెటివ్ టాక్‌ను సొంతం చేసుకుంది. ప్రముఖ బాలీవుడ్ ట్రేడ్ అనలిస్ట్ తరణ్ ఆదర్శ ఈ చిత్రం గురించి ఒక్క ముక్కలో చెప్పేశారు. ఈ సినిమా ఒక పౌరాణిక నిరాశ అని తేల్చిపారేశారు. ఈ చిత్రానికి ఆయన 1.5 స్టార్ రేటింగ్ ఇచ్చారు.
ఇదే అంశంపై ఆయన ట్విట్టర్ ఖాతాలో ఓ పోస్ట్ చేశారు. ఈ చిత్రం ఒక పౌరాణిక డిజప్పాయింట్‌మెంట్ అని ఒక్క మాటలో తేల్చేశారు. భారీ అంచనాలను ఈ సినిమా అందుకోలేక పోయిందని చెప్పారు. కలల తారాగణం, భారీ బడ్జెట్‌ను చేతిలో ఉంచుకుని కూడా దర్శకుడు ఓం రౌత్ పెద్ద గందరగోళాన్ని సృష్టించారని విమర్శించారు. ఓవరాల్‌గా ఈ సినిమాకు కేవలం 1.5 స్టార్ రేటింగ్ మాత్రమే ఇస్తున్నట్టు పేర్కొన్నారు.
